ქონების მართვისა და სამეურნეო სამმართველოს უფროსი

სსიპ სურსათის ეროვნული სააგენტო აცხადებს კონკურსს ქონების მართვისა და სამეურნეო სამმართველოს უფროსის თანამდებობაზე.

სამუშაო ადგილი: ქ. თბილისი.
სამუშაო დრო: სრული განაკვეთი.
ფიქსირებული ანაზღაურება: 1,050 ლარი.

უფლება-მოვალეობანი:
-სამმართველოს საქმიანობის ორგანიზება და წარმართვა;
-უძრავი და მოძრავი ქონების მიღების, დასაწყობებისა და გადაცემასთან დაკავშირებული პროცედურების განხორციელება;
-ფულადი სახსრების, მატერიალური ფასეულობების ინვენტარიზაციის ჩატარების ორგანიზება;
-ყოველთვიური, კვარტალური და წლიური ანგარიშის მომზადება.

ძირითადი მოთხოვნები:
-უმაღლესი განათლება ეკონომიკურ, ფინანსურ ან სხვა შესაბამის დარგში;
-საჯარო სამართლის იურიდიული პირის სისტემაში მუშაობის გამოცდილების მქონე კანდიდატებს მიენიჭება უპირატესობა;
-საოფისე კომპიუტერული პროგრამების სრულყოფილად ცოდნა;
-სასურველია ინგლისური ენის ცოდნა.

პიროვნული თვისებები:
-ორგანიზებულობა და პასუხისმგებლობის მაღალი გრძნობა;
-საბუთებთან მუშაობის სათანადო უნარების ფლობა;
-დამოუკიდებლად და გუნდურად მუშაობის უნარი;
-კომუნიკაბელურობა;
-ანალიტიკური აზროვნება.

დაინტერესებულ პირებს გთხოვთ, გამოაგზავნოთ თქვენი მონაცემები - CV (ფოტოსურათით) ელ-მისამართზე: HR@nfa.gov.ge 2012 წლის 15 თებერვლის ჩათვლით.

გისურვებთ წარმატებებს!