სტაჟიორი

სს "აკად. ო. ღუდუშაურის სახელობის ეროვნული სამედიცინო ცენტრი"-ს ადმინისტრაციული დეპარტამენტის სამართლებრივი უზრუნველყოფის განყოფილებაში მისაღები სტაჟიორების კანდიდატებისათვის დაწესებულია შემდეგი საკვალიფიკაციო მოთხოვნები, თემატიკა და უნარ-ჩვევები:

- კანდიდატი უნდა იყოს საქართველოს ქმედუნარიანი მოქალაქე 21 წლის ასაკიდან 45 წლამდე, რომელიც ფლობს სახელმწიფო ენას.

 კანდიდატებისათვის დადგენილია შემდეგი საკვალიფიკაციო მოთხოვნები:

     - უმაღლესი იურიდიული განათლება (სასურველია მაგისტრის დიპლომი);
     - სპეციალობით პრაქტიკული მუშაობის არანაკლებ 1 წლიანი გამოცდილება (სამოქალაქო და ადმინისტრაციული სამართლის სფეროში);
     - ინგლისური და რუსული ენების ცოდნა;
     - საოფისე კომპიუტერული პროგრამების ცოდნა (სამომხმარებლო დონეზე).

 კანდიდატებისათვის დადგენილია შემდეგი თემატიკა:

     - საქართველოს კონსტიტუცია;
     - საქართველოს ზოგადი ადმინისტრაციული კოდექსი (თავი I; თავი III.);
     - საქართველოს სამოქალაქო კოდექსი;
     - საქართველოს სამოქალაქო საპროცესო კოდექსი;
     - საქართველოს შრომის კოდექსი;
     - ,მეწარმეთა შესახებ" საქართველოს კანონი;
     - "ჯანმრთელობის დაცვის შესახებ" საქართველოს კანონი;
     -  "ნორმატიული აქტების შესახებ" საქართველოს კანონი;
     - "სააღსრულებო წარმოებათა შესახებ" საქართველოს კანონი;
     - "სამოქალაქო აქტების რეგისტრაციის შესახებ" საქართველოს კანონი.

 სტაჟიორთა ძირითადი მოვალეობები, როგორც წესი, იქნება:

     - ცენტრის საქმიანობიდან გამომდინარე, ხელშეკრულებებისა და სხვა სახის სამართლებრივი აქტების პროექტების მომზადება ან მათ მომზადებაში მონაწილეობის მიღება;
     - ცენტრის საქმიანობის ინტერესთა სფეროში შესული კანონმდებლობის და მასში შეტანილი ცვლილებების სისტემატური ანალიზი, მათ შესახებ უშუალო ადმინისტრაციული და ფუნქციური ხელმძღვანელის ინფორმირებულობა;
     - ცენტრის საქმიანობიდან გამომდინარე არსებული სხვადასხვა მიმართულებების (სასამართლო და საარბიტრაჟო საქმისწარმოებები; განცხადებებსა და საჩივრებთან დაკავშირებული საქმისწარმოებები; შესაბამის სტრუქტურებთან საქმიანი ურთიერთობების სამართლებრივი რეგულირების პროცესები; მიმდინარე საკითხების სამართლებრივ რეგულაციებთან დაკავშირებული პროცესები და სხვა.) სამართლებრივი უზრუნველყოფის პროცესებში მონაწილეობის მიღება.

 დამატებითი მოთხოვნები და პროფესიული უნარ-ჩვევები:

     - დამოუკიდებელი და შემოქმედებითი მუშაობის უნარი;
     - პასუხისმგებლობის გრძნობა, დისციპლინირებულობა და პუნქტუალურობა;
     - კონტაქტურობა და გუნდური მუშაობის უნარი;
     - კონფიდენციალურობისა და სამსახურებრივი სუბორდინაციის დაცვის უნარი;
     - მარტივი ხასიათის ხელშეკრულებების და სხვა სამართლებრივი დოკუმენტაციის პროექტთა შედგენის უნარი;

 დაინტერესებულმა პირებმა უნდა წარმოადგინონ შემდეგი მონაცემი:

     - CV ფოტოსურათით;
     - პირადობის მოწმობის ან პასპორტის ასლი;
     - დიპლომის, სერტიფიკატების (ასეთის შემთხვევაში) და პრაქტიკული მუშაობის დამატასტურებელი    დოკუმენტის ასლები

 მისამართზე: info.gnmc@gmail.com 2011 წლის 5 სექტემბრის ჩათვლით.

 ცნობისათვის:

     - სტაჟიორთა რაოდენობა: არაუმეტეს 2 (ორი);
     - სტაჟირების ვადა: 6 (ექვსი) თვე;
     - დასაქმების პერსპექტივით;
     - ანაზღაურების გარეშე;
     - სტაჟირების გავლის სხვა საკითხები განისაზღვრება ცენტრის შიდა სამართლებრივი აქტით და სტაჟიორთან დადებული ხელშეკრულებით.