შპს საქართველოს ფოსტა აცხადებს კონკურსს თურქეთში საქართველოს მიმართულებით კომერციული ტვირთების შეგროვების მომსახურებაზე.
შეგროვების ადგილები თურქეთის რესპუბლიკაში განისაზღვრება შემდეგ რაიონებში:
ა) ხოფა - ქემალფაშა;
ბ) სტამბული, აქსარაის რაიონი - "ემინეთ პარკი"
გ) სტამბული, აქსარაის რაიონი - "ევროპა პარკი"
ტვირთის მიღების საფასური საქართველოს ფოსტის მიერ განისაზღვრება ტარიფებით, რომელიც მოცემულია დანართში.
შემგროვებელმა უნდა უზრუნველყოს ტვირთის შეგროვება და აღრიცხვა საქართველოს
ფოსტის შესაბამის პროგრამაში, რაც უზრუნველყოფს შემდგომში ტვირთის
აღრიცხულ და ორგანიზებულ მოძრაობას. შემგროვებელმა უნდა უზრუნველყოს
შემგროვებელი პუნქტის აღჭურვა შესაბამისი აპარატურით. შემგროვებელი
ვალდებულია, გამოსაგზავნად შეგროვებული ტვირთი უზრუნველყოს
ტრანსპორტირებისათვის საჭირო დოკუმენტაციით, თურქეთის რესპუბლიკის
კანონმდებლობასთან შესაბამისობაში.
კონკურსში მონაწილე იურიდიულ პირს უნდა გააჩნდეს შესაბამისი
წარმომადგენლობა საქართველოს ტერიტორიაზე, შესაბამისად აღჭურვილი ოფისით.
კონკურსში გამარჯვებულმა იურიდიულმა პირმა უნდა დააკმაყოფილოს საქართველოს
ფოსტის მოთხოვნა შემგროვებელი პუნქტის პერსონალის ერთობლივად
დაკომპლექტების შესახებ. კონკურსში გამარჯვებულმა კომპანიამ უნდა
უზრუნველყოს ავტოსატრანსპორტო საშუალების მძღოლების შესაბამისი
უზრუნველყოფა მოსვენებით და კვებით.
ტვირთის გადაზიდვა განხორციელდება საქართველოს ფოსტის შესაბამისი სამსახურით.
კონკურსში გამარჯვებულად გამოცხადდება იურიდიული პირი, რომელიც
წარმოადგენს ყველაზე დაბალი ფასით მონაწილეობის პირობას, რაც თავის მხრივ
არ უნდა აღემატებოდეს დანართში მოცემულ ტარიფებში 20%-ს (არ შედის
კანონმდებლობით გათვალისწინებული გადასახადები) და გახდება გარანტორი
სასურველ რაიონში არანაკლებ 150 ტონა ტვირთის შეგროვებაზე.
ანგარიშსწორება გამარჯვებულ კონკურსანტთან, ურთიერთშეთანხმებით გათვალისწინებულ ვადებში, ხდება შემდეგი პირობების გათვალისწინებით:
- თუ ტვირთის გამოგზავნის ღირებულების გადახდა მოხდება კონკურსში
გამარჯვებულთან, მაშინ კონკურსში გამარჯვებული მომსახურეობისათვის
შესაბამის ტარიფს იტოვებს თავისთან, ხოლო დარჩენილ ნაწილს რიცხავს
საქართველოს ფოსტის ანგარიშზე.
- თუ ტვირთის ღირებულების გადახდა მოხდება საქართველოს ფოსტის ანგარიშზე,
დამკვეთი - კონკურსში გამარჯვებულს ურიცხავს გაწეული მომსახურეობისათვის
მისთვის განსაზღვრულ წილს.
კონკურსში მონაწილეობის მსურველებმა უნდა წარმოადგინონ განაცხადი არაუგვიანეს 2011 წლის 20 ოქტომბრის 16.00 საათისა, შემდეგ მისამართზე: ვაგზლის მოედანი 2, 0100, თბილისი ან დაგვიკავშირდნენ ელექტრონულ მისამართზე: ems@caucasus.net
