საქართველოს იუსტიციის სამინისტრო აცხადებს ვაკანსიას „ელექტრონული ჯანდაცვის“ პროგრამის მენეჯერის პოზიციაზე .
სამუშაო დრო: სრული განაკვეთი.
გამოსაცდელი ვადა : 3 თვე
იუსტიციის სამინისტროს უმნიშვნელოვანესი სტრატეგიული მიზანი
მომხმარებლებისთვის ეფექტიანი და ხელმისაწვდომი მომსახურების
უზრუნველყოფაა. სწორედ, ამ სტრატეგიული მიზნის მისაღწევად შემუშავდა
იუსტიციის სახლის შექმნის კონცეფცია, რომელიც მომხმარებლის სერვისთან და
ინფორმაციასთან წვდომის გამარტივების თვალსაზრისით, რამდენიმე უწყების
საქმიანობას ერთი შენობის ფარგლებში აერთიანებს. იუტიციის სახლი სთავაზობს
მომხმარებელს 250-ზე მეტ სერვისს ერთ სივრცეში, როგორიცაა ID ბარათისა და
პასპორტის გაცემა, ქონებისა და ბიზნესის რეგისტრაცია, დაბადების და
ქორწინების მოწმობების გაცემა, მოქალაქეობის მიღება, საარქივო და სანოტარო
სერვისები, აღსრულების მომსახურება და სხვ.
სამუშაოს აღწერა
- პროექტების ეფექტურად მართვა დასახული მიზნის მისაღწევად;
- მუდმივი კომუნიკაცია პარტნიორ ორგანიზაციებთან მათი მოთხოვნების გასათვალისწინებლად;
- პროგრამისთვის საჭირო რესურსის განსაზღვრა;
- პროგრამის ეფექტური მართვისთვის სათანადო ორგანიზაციული სტრუქტურის ჩამოყალიბება;
- პროექტის გეგმის შემუშავება სხვადასხვა საკითხების გათვალისწინებით, როგორიცაა თანამშრომელთა საჭიროებები, ბიუჯეტი, ინვენტარი, განვითარების ხარჯები, ტექნოლოგიური საჭიროებები და ა.შ.
- მენეჯმენტის საინფორმაციო სისტემების შესახებ დეტალური ინფორმაციის მიწოდება ტექნიკური პერსონალისთვის;
- სამუშაოების დაგეგმვა და მართვა დაგეგმილ დროში და დადგენილი ხარისხით, პროექტის მიზნების მისაღწევად;
- სახელმწიფო კომისიის წინაშე პროექტის მიმდინარეობის შესახებ ანგარიშგება;
- პრობლემების პროგნოზირება და კომისიისთვის რეკომენდაციების გაწევა მათი აღმოფხვრის მიზნით.
- პროგრამის მართვის ოფისის ეფექტური მუშაობის უზრუნველყოფა.
მოთხოვნები
- პროექტების მართვის სფეროში პროფესიული განათლება და სამუშაო გამოცდილება, სასურველია მაღალტექნოლოგიურ ან სამედიცინო სფეროში;
- მართვის საინფორმაციო სისტემების პრინციპების ცოდნა;
- ორგანიზებულობა და დეტალებზე ორიენტირებულობა;
- პრობლემის იდენტიფიცირებისა და ეფექტურად გადაჭრის გზების მოძიების უნარი.
- საოფოსე პროგრამების ცოდანა,
- ინგლისური ენის სრულყოფილად ცოდნა
დამატებითი ინფორმაცია
საქართველოს მთავრობა იწყებს ქვეყნის მასშტაბით ჯანდაცვის საინფორმაციო სისტემის განვითარებისა და დანერგვის პროგრამას. ეს არის ინოვაციური პროგრამა, რომელიც აკავშირებს სამინისტროს, დაზღვეულების, მიმწოდებლებისა და პაციენტების საინფორმაციო საჭიროებებს. ჯანსაღი საქართველო, დაკავშირებული შენთან იქნება სრულყოფილი ჯანდაცვის საინფორმაციო სისტემა, რომელიც ჩამოყალიბდება მსოფლიოში არსებული საუკეთესო გამოცდილებისა და საერთაშორისო სტანდარტების გათვალისწინებით. გარდა ამისა, აღნიშნული პროგრამა გაითვალისწინებს საქართველოს მოქალაქეთა არსებულ და სამომავლო საჭიროებებს.
“ელექტრონული ჯანდაცვის” პროგრამას ზედამხედველობას გაუწევს “ელcექტრონული ჯანდაცვის სისტემის განვითარების” სახელმწიფო კომისია. პროექტების წარმართვისა და დაგეგმისთვის შეიქმნება “ელექტრონული ჯანდაცვის სისტემის განვითარების” პროგრამის მართვის ოფისი. “ელექტრონული ჯანდაცვის” პროგრამის მენეჯერი უხელმძღვანელებს პროგრამის მართვის ოფისს და პასუხისმგებელი იქნება კომისიის წინაშე.
კონკურსში მონაწილეობის მსურველებს გთხოვთ, შეავსოთ სააპლიკაციო ფორმა მისამართზე: http://www.hr.gov.ge 2012 წლის 25 იანვრის ჩათვლით.
