სტაჟირება მარკეტინგის სამმართველოში

საქართველოს იუსტიციის სამინისტრო აცხადებს სტაჟირებას ადმინისტრაციაში, მარკეტინგის სამმართველოში.

საშტატო ერთეული: 1 სტაჟიორი.

სტაჟიორის შერჩევა მოხდება საკონკურსო წესით, რომელიც ჩატარდება ტესტირებისა (ზოგადი უნარები) და გასაუბრების ფორმით.

წარმატებული კანდიდატი გაივლის ექვსი თვიდან ერთ წლამდე ანაზღაურებად სტაჟირებას საქართველოს იუსტიციის სამინისტროს ადმინისტრაციაში, მარკეტინგის სამმართველოში.

შრომითი ანაზღაურება: 400 ლარი.

ძირითადი მოვალეობები:

- სარეკლამო კამპანიების დაგეგმვასა და კოორდინაციაში მონაწილეობის მიღება;
- საკომუნიკაციო ატრიბუტიკის დამზადებასა და გავრცელებაში მონაწილეობის მიღება;
- მარკეტინგული კვლევების დაგეგმვასა და შედეგების ანალიზის საფუძველზე წინადადებების მომზადებაში მონაწილეობა;
- მომსახურების ხარისხის სტანდარტების მონიტორინგის პროცესში ჩართვა და მიმდინარე ამოცანების გადაწყვეტაში მონაწილეობის მიღება;
- მომსახურების ხარისხის კვლევებში ჩართვა და კვლევით კომპანიასთან კოორდინირებული მუშაობა;
- მარკეტინგის სამმართველოს უფროსის მითითებით მიმდინარე საქმიანობებში აქტიურად ჩართვა.

საკვალიფიკაციო მოთხოვნები:

- უმაღლესი განათლება ან დამამთავრებელი კურსის სტუდენტი: ბიზნესის ადმინისტრირებაში, მარკეტინგში ან სხვა სოციალურ მეცნიერებებში;
- ინგლისური ენის სრულყოფილი ცოდნა;
- სამომხმარებლო კმაყოფილების განმსაზღვრელი ფაქტორების ცოდნა;
- მარკეტინგის საფუძვლების ცოდნა;
- მომსახურების ხარისხის მართვის კონცეფციის ცოდნა;
- კომპიუტერული პროგრამების: Microsoft Office Programs ცოდნა;
- ანალიტიკური აზროვნება;
-კომუნიკაბელურობა და გუნდური მუშაობის გამოცდილება და უნარები.

კონკურსში მონაწილეობის მსურველებს გთხოვთ, შეავსოთ სააპლიკაციო ფორმა მისამართზე: http://www.hr.gov.ge 2011 წლის 8 დეკემბრის ჩათვლით.