დავების წარმოების სამმართველოს მრჩეველი

საქართველოს იუსტიციის სამინისტრო აცხადებს კონკურსს ადამიანის უფლებათა საერთაშორისო სასამართლოებში სახელმწიფო წარმომადგენლობის დეპარტამენტში  დავების წარმოების სამმართველოს მრჩევლის პოზიციაზე.

ძირითადი ფუნქცია-მოვალეობები:

   - ადამიანის უფლებათა ევროპულ სასამართლოსა და გაეროს ადამიანის უფლებათა კომიტეტში მიმდინარე საქმეებზე სახელმწიფო მიმოხილვების, კომენტარებისა და სახელმწიფოს სახელით წარსადგენი სხვა დოკუმენტების მომზადება;
   - სახელმწიფო დაწესებულებებიდან და სხვა ორგანოებიდან ინფორმაციის, მასალების, საქმეების, დასკვნებისა და სხვა დოკუმენტაციის დროულად მიღების ორგანიზება და დამუშავება და ევროპული სასამართლოსათვის მიწოდება;
   - სამთავრობო და არასამათავრობო ორგანიზაციებთან, უცხო ქვეყნების შესაბამის  უწყებებთან თანამშრომლობა;
   - ადამიანის უფლებათა საერთაშორისო სტანდარტებთან საქართველოს კანონმდებლობის ან პრაქტიკის შესაბამისობის უზრუნველყოფასთან დაკავშირებით წინადადებების შემუშავება.


საკვალიფიკაციო მოთხოვნები:

    - უმაღლესი იურიდიული განათლება, მინიმუმ სამართლის ბაკალავრის აკადემიური ხარისხი;
    - სასურველია, შესაბამისი სამუშაო გამოცდილება;
    - ინგლისური ან ფრანგული ენის სრულყოფილი ცოდნა (როგორც წერითი, ასევე ზეპირი მეტყველება);
    - კრეატულობა;
    - კომუნიკაბელურობა;
    - გუნდური მუშაობის უნარი;
    - პასუხიმგებლობის გრძნობა;
    - შრომისმოყვარეობა;

საკონკურსო თემატიკა:

    - საერთაშორისო სამართლის ძირითადი პრინციპები;
    - ადამიანის უფლებათა სფეროში არსებული ძირითადი საერთაშორისო ხელშეკრულებების ცოდნა (ადამიანის უფლებათა ევროპული კონვენცია და დამატებითი ოქმები; სამოქალაქო და პოლიტიკური უფლებების შესახებ საერთაშორისო პაქტი და დამატებითი ოქმები);
    - ადამიანის უფლებათა ევროპული სასამართლოს პრეცედენტული სამართლის ცოდნა (განსაკუთრებული მნიშვნელობის მქონე საქმეები);
    - ეროვნული კანონმდებლობის ცოდნა (საქართველოს კონსტიტუცია, ასევე საქართველოს სისიხლის სამართლის (მატერიალური და საპროცესო) და სამოქალაქო კანონმდებლობის ძირითადი პრინციპების ცოდნა.

 კონკურსში მონაწილეობის მსურველებმა გთხოვთ გამოაგზავნოთ სააპლიკაციო ფორმა (იხილეთ დანართი) მისამართზე   vacancy@justice.gov.ge   2011 წლის 8 სექტემბრის ჩათვლით.

გთხოვთ, მიუთითოთ სასურველი პოზიციის დასახელება სათაურის ველში, წინააღმდეგ შემთხვევაში თქვენი კანდიდატურა არ განიხილება.