საქართველოს ეროვნული მუზეუმი აცხადებს კონკურსს საგამოფენო დარბაზის გიდი-მეთვალყურის თანამდებობაზე.
გიდი-მეთვალყურე კონტროლს უწევს საგამოფენო დარბაზებში დამთვალიერებელთა ქცევის წესების შესრულებას და პასუხისმგებელია კომუნიკაციაზე, საექსკურსიო პროგრამების განხორციელებაზე.
ძირითადი მოვალეობანი:
- მეთვალყურეობა დამთვალიერებლებსა და საგამოფენო დარბაზებში შესულ სხვა პირებზე;
- დამთვალიერებლებთან კომუნიკაცია;
- მუზეუმის დამთვალიერებელთა ქცევის წესების შესრულების კონტროლი;
- კოლექციების უსაფრთხოების მონიტორინგი;
- დამთვალიერებლის მხრიდან მუზეუმის წესების დარღვევის შემთხვევაში დარბაზში ქცევის წესების განმარტება, დაუმორჩილებლობის შემთხვევაში უსაფრთხოების ოფიცრის ინფორმირება;
- საგანგებო სიტუაციის შემთხვევაში დროული რეაგირება და უსაფრთხოების ოფიცრისათვის ინფორმაციის მიწოდება;
- საგანგებო სიტუაციის დროს პირველადი დახმარებისა და ევაკუაციის ორგანიზება;
- მუზეუმის მუდმივი და დროებითი ექსპოზიციების ექსკურსიების გაძღოლა დადგენილი გრაფიკის მიხედვით;
- პერიოდული ანგარიშგება უშუალო ხელმძღვანელებთან.
კვალიფიკაცია:
- უმაღლესი განათლება (უპირატესობა ენიჭება ჰუმანიტარული მეცნიერებების, საქართველოს ისტორიისა და ხელოვნების ისტორიის სპეციალისტებს);
- ქართული ენის ზედმიწევნით ცოდნა; უცხო ენების (აუცილებელია რუსული და ინგლისური) ცოდნა.
მოთხოვნები:
- პუნქტუალობა, პასუხისმგებლობა და მუდმივი მზადყოფნა დახმარებისათვის;
- თავაზიანობა და კომუნიკაბელურობა;
- ასაკი: 25-45 წელი;
- მზადყოფნა შემდგომი პროფესიული განვითარებისათვის.
სამუშაო გრაფიკი:
- სამუშაო საათები: 10:00-18:00;
- სამუშაო დღეები: სამშაბათი-კვირა;
- დასვენების დღე: ორშაბათი. დასვენების მეორე დღე: შეთანხმებით (გრაფიკით).
სატელეფონო ზარები არ მიიღება. დავუკავშირდებით მხოლოდ შერჩეულ კანდიდატებს.
დაინტერესებულ კანდიდატებს გთხოვთ, გამოგზავნოთ ავტობიოგრაფია (CV) ფოტოსურათით და სარეკომენდაციო წერილი 2011 წლის 15 სექტემბრის ჩათვლით ელექტრონული ფოსტის მისამართზე: . გთხოვთ, წერილის სათაურში მიუთითოთ სახელი, გვარი და "გიდი-მეთვალყურე".
