ბიუროს უფროსის რეფერენტი

სსიპ ლევან სამხარაულის სახელობის სასამართლო ექსპერტიზის ეროვნული ბიურო აცხადებს კონკურსს ბიუროს უფროსის რეფერენტის პოზიციაზე.

საშტატო ერთეული: 1.
შრომითი ანაზღაურება: 810 ლარი.
სამუშაო განაკვეთი: 18.30 სთ-დან 24.00 სთ-მდე (ღამის 12 საათამდე).

სამუშაო აღწერა:

- სატელეფონო ზარებზე პასუხის გაცემა;
- ბიუროს უფროსის შეხვედრების განრიგის შედგენა (ელექტრონულად);
- კორესპონდენციის მიღება და რეგისტრაცია.

საკვალიფიკაციო მოთხოვნები:

- უმაღლესი განათლება;
- საოფისე პროგრამების ცოდნა (სავალდებულოა Microsoft Outlook-ის ცოდნა);
- უცხო ენის ცოდნა.

პიროვნული უნარ-ჩვევები:

- კომუნიკაბელურობა;
- პასუხისმგებლობის გრძნობა;
- გაწონასწორებულობა.

საკონკურსო თემატიკა: "სსიპ - ლევან სამხარაულის სახელობის სასამართლო ექსპერტიზის ეროვნული ბიუროს დებულების დამტკიცების შესახებ" საქართველოს მთავრობის 2010 წლის 20 აგვისტოს #255 დადგენილება.

კონკურსში მონაწილეობის უფლება აქვს საქართველოს ქმედუნარიან მოქალაქეს, რომელსაც აქვს შესაბამისი განათლება, ფლობს სახელმწიფო ენას და აკმაყოფილებს ვაკანტური პოზიციის დასაკავებლად გამოცხადებული კონკურსის მოთხოვნებს.

კონკურსში მონაწილეობის მისაღებად კანდიდატებმა, კონკრეტული ვაკანტური პოზიციის მითითებით (წინააღმდეგ შემთხვევაში, განცხადება არ განიხილება), 2012 წლის 16 იანვრის ჩათვლით, მისამართზე: cv@forensics.ge უნდა გამოაგზავნონ:

ა) აპლიკაცია;
ბ) სამოტივაციო წერილი (ვაკანტური თანამდებობის მითითებით).

კონკურსში მონაწილეობას მიიღებს მხოლოდ ის კანდიდატი, რომელიც კომისიის მიერ, აპლიკაციების გადარჩევის საფუძველზე, შესაბამისად იქნება მიჩნეული საკვალიფიკაციო მოთხოვნებთან მიმართებაში.

კონკურსი ჩატარდება განცხადების გამოქვეყნების დღიდან გონივრულ ვადაში. ზუსტი დროისა და თარიღის შესახებ კანდიდატებს ეცნობებათ დამატებით. კონკურსი ჩატარდება გასაუბრების ფორმით.

ინფორმაცია კონკურსის შესახებ შეგიძლიათ მიიღოთ შემდეგ საკონტაქტო ნომერზე: (832) 225 8484.