საკითხთა სამთავრობო კომისიის სამდივნო წევრი

სამოქალაქო რეესტრის სააგენტო (სრს)  არის იუსტიციის სამინისტროში შემავალი საჯარო სამართლის იურიდიული პირი. სააგენტოს ძირითადი ფუნქციებია, საქართველოს მოქალაქეების საიდენტიფიკაციო დოკუმენტების გაცემა, სამოქალაქო აქტების რეგისტრაცია, მოქალაქეობა–მიგრაციის საკითხები, დოკუმენტების ლეგალიზაცია და აპოსტილით დამოწმება.  გარდა ზემო აღნიშნული ფუნქციებისა, სამოქალაქო რეესტრის სააგენტო 2010 წლის ოქტომბრიდან  ახორციელებს მიგრაციის საკითხთა სამთავრობო კომისიის სამდივნოს ფუნქციას. კომისიის  ამოცანა არის  მიგრაციის მართვის სისტემის გაუმჯობესება და ამ სფეროში  ჩართულ სახელმწიფო უწყებებს შორის კოორდინაციის დონის ამაღლება.

როგორც სამოქალაქო რეესტრის თანამშრომელს თქვენ შეგიძლიათ მიიღოთ:

    თანამედროვე სამუშაო გარემო
    სამედიცინო დაზღვევა
    პრემიები და სხვა ბენეფიტები

სამოქალაქო რეესტრის სააგენტო (სრს) აცხადებს კონკურსს მიგრაციის საკითხთა სამთავრობო კომისიის სამდივნო წევრის თანამდებობაზე.

პოზიციის მოკლე აღწერა
მიგრაციის საკითხთა სამთავრობო კომისიის სამდივნო  კომისიას  აღმოუჩენს ორგანიზაციულ–ტექნიკურ  და ინტელექტუალურ მხარდაჭერას.  რაც მოიცავს მიგრაციის სფეროში ინფორმაციის მომზადებას,  ადგილობრივ და უცხოელ პარტნიორებთან კომუნიკაციას ღონისძიებების  დაგეგმვა–განხორციელების მიზნით, სხვადასხვა დოკუმენტების ექსპერტიზას, შეხვედრების ორგანიზებას და მონაწილეობას.

ძირითადი მოვალეობები და პასუხისმგებლობები:

    - მიგრაციის სფეროში საერთაშორისო დონეზე მიმდინარე პროცესების ანალიზი.
    - კომისიისთვის საერთაშორისო პროცესების შესახებ ინფორმაციის მომზადება.
    - ინფორმაციის მოძიება და ანალიზი სავიზო რეჟიმთან დაკავშირებულ საკითხებზე.
    - ინფორმაციის მოძიება მიგრაციის სფეროში საერთაშორისო კონფერენციებისა და სემინარების შესახებ.
    - ახალი პროექტებისა და ღონისძიებების დაგეგმვის მიზნით საერთაშორისო ორგანიზაციებთან თანამშრომლობა.
    - საერთაშორისო და ადგილობრივი არასამთავრობო  ორგანიზაციების ანგარიშების ანალიზი.

საკონკურსო მოთხოვნები:

    - უმაღლესი განათლება სახელმწიფო მართვის, საერთაშორისო ურთიერთობების, სოციალურ მეცნიერებათა,  საერთაშორისო სამართლის სფეროში.
    - ინგლისური ენის სრულყოფილი ცოდნა.
    - პროფესიით მუშაობის მინიმუმ ერთწლიანი გამოცდილება.
    - ეფექტური კომუნიკაციის უნარი.
    - ანალიტიკური აზროვნება.

სასურველია:

    - მაგისტრის ხარისხი.
    - მიგრაციის სფეროში მუშაობის გამოცდილება.
    - მეორე უცხო ენის ცოდნა.

დაინტერესებულმა პირებმა უნდა წარმოადგინონ:

    - სამოქალაქო რეესტრის სააგენტოს სამუშაოს მაძიებლის ანკეტა

საბუთების მიღება წარმოებს 2011 წლის 22 აგვისტოდან 2011 წლის 2 სექტემბრის ჩათვლით სამოქალაქო რეესტრის სააგენტოს ადამიანური რესურსების მართვის სამსახურში. (მისამართი: თბილისი, წერეთლის გამზ. #67ა) ან ელექტრონულ ფოსტაზე: hr@cra.gov.ge. გთხოვთ, სათაურის ველში (Subject line) მიუთითოთ იმ თანამდებობის დასახელება, რაზეც აკეთებთ განაცხადს.  წინააღმდეგ შემთხვევაში არ მოხდება განაცხადის განხილვა.

ტელ: (+995 32)2401010