2011 წლის 26 ივნისიდან 30 ივნისამდე, საქართველოში ნატო-ს სამეკავშირეო ოფისისა და სამოქალაქო ინსტიტუციონალიზმის განვითარების ფონდის დაფინანსებით, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ხელშეწყობით, იმართება სამდღიანი სემინარი ჩრდილოატლანტიკური ალიანსისა და საქართველო-ნატოს თანამშრომლობის საკითხებზე. პროექტი ხორციელდება არასამთავრობო ორგანიზაცია "გზა ნატო-სკენ" და საინფორმაციო ცენტრის ნატო-ს შესახებ ინიციატივით.
ღონისძიებაში მონაწილეობას მიიღებენ როგორც დედაქალაქში, ასევე საქართველოს რეგიონებში მომუშავე ჟურნალისტები. ექსპერტებთან და პოლიტიკოსებთან ერთად, ჟურნალისტები განიხილავენ ნატო-ს თემატიკასთან დაკავშირებულ აქტუალურ საკითხებს. სემინარების მსვლელობისას ვიდეოხიდის მეშვეობით ბრიუსელიდან ჩაერთვებიან ნატოს ოფიციალური პირები.
პროექტის ფარგლებში რეგიონებიდან მონაწილე ჟურნალისტების ცხოვრების, ტრანსპორტისა და კვების ხარჯებს სრულად უზრუნველყოფენ ღონისძიების ორგანიზატორები.
სემინარში მონაწილე ჟურნალისტებს გადაეცემათ ნატო-ს სამეკავშირეო ოფისის ხელმძღვანელისა და ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის მიერ დამოწმებული სერტიფიკატები.
სემინარი გაიმართება სასტუმრო "ვერე პალასში", მისამართზე: თბილისი ქუჩიშვილის ქ. 22/24.
საქართველოს მასშტაბით დაინტერესებულ ჟურნალისტებს გთხოვთ, გამოაგზავნოთ რეზიუმე (CV) და სამოტივაციო წერილი ელექტრონულ მისამართზე: 2011 წლის 15 ივნისის ჩათვლით.
საკონტაქტო ტელ: 971617, 877 415093.
