საერთაშორისო ფონდი "კურაციო" () აცხადებს მისივე სახელობის სტიპენდიის პროგრამას 2011-2012 წლებისთვის.
ვის შეიძლება მიენიჭოს: სტიპენდია მიენიჭება სამაგისტრო პროგრამის პირველი კურსის სტუდენტს, რომელიც სწავლობს საზოგადოებრივი ჯანდაცვის მენეჯმენტის ან ბიზნესის ადმინისტრირების სამაგისტრო პროგრამაზე.
რა დაფინანსდება და რა სახით: სტიპენდია გაიცემა ერთ სტუდენტზე, ყოველთვიურად 250 ლარის ოდენობით 10 სასწავლო თვის მანძილზე.
სტიპენდიის პროგრამაში მონაწილეობის სხვა წამახალისებელი ფაქტორები სტუდენტისთვის:
- საერთაშორისო ფონდ "კურაციოს" სახელობის სტიპენდიის სიგელი
- სტაჟირების შესაძლებლობა "კურაციოში"
- კურაციოს ექსპერტების გამოცდილებისა და ცოდნის, ასევე, რეკომენდაციების გამოყენება წარმოდგენილი კვლევის პროექტის განხორციელების შემთხვევაში.
- კვლევის განხორციელების პერიოდში "კურაციოში" არსებულ რესურსებზე ხელმისაწვდომობა.
წარმოსადგენი დოკუმენტაცია:
- თანდართული განაცხადის ფორმა
- სამოტივაციო წერილი
- 4 სარეკომენდაციო წერილი: ერთი სამუშაო ადგილიდან (თუ ასეთი არსებობს), სამი-პირველადი უმაღლესი სასწავლებლიდან. (ინსტრუქციისათვის იხ. თანდართული განაცხადის ფორმა)
- აკადემიური მოსწრება - ერთი პირველადი უმაღლესი სასწავლებლიდან
- ერთიანი ეროვნული გამოცდების შეფასების დოკუმენტი
- პროფ. ავტობიოგრაფია - CV
- კვლევის პროექტი საზოგადოებრივი ჯანდაცვის მართვის ან მასთან ახლო კავშირში მყოფ თემაზე - მიზანი, მეთოდოლოგია და ა.შ. (რომლის პრეზენტაციაც გაკეთდება შესარჩევი კომისიის წინაშე).
განაცხადების მიღების ბოლო ვადაა 2011 წლის 10 ოქტომბერი.
შერჩევის პროცესი და ვადები:
- განაცხადების მიღება: 10 ოქტომბრამდე
- განაცხადების გადარჩევა: 30 ოქტომბრამდე
- გასაუბრება და კვლევითი პროექტის პრეზენტაცია შესარჩევ კომისიასთან: ნოემბრის პირველი ორი კვირა.
დამატებითი ინფორმაციისათვის დაუკავშირდით:
სოფო მამალაძე
საერთაშორისო ფონდი "კურაციო"
თბილისი, ჭავჭავაძის გამზ. 37დ
ტელ: +995 322 253104
ელ. ფოსტა:
დამატებითი ინფორმაციისათვის საერთაშორისო ფონდ კურაციოს შესახებ ეწვიეთ ვებ გვერდს:
