საგრანტო კონკურსი

სსიპ საარჩევნო სისტემების განვითარების, რეფორმებისა და სწავლების ცენტრი 2011 წლის 21 სექტემბერს აცხადებს საგრანტო კონკურსს, რომლის პრიორიტეტია რეგიონული პროექტების გამოვლენა, რომელთა განხორციელება ხელს შეუწყობს საქართველოს რეგიონებში საარჩევნო გარემოს გაუმჯობესებაზე ორიენტირებული ღონისძიებების გატარებასა და ამ პროცესში სხვადასხვა სუბიექტების (პოლიტიკური პარტია, მედია, არასამთავრობო სექტორი, საარჩევნო ადმინისტრაცია) ინტეგრირებასა და გააქტიურებას.

საგრანტო თემატიკა:

1. "საარჩევნო გარემოს რეგიონული კვლევა"

საგრანტო პროექტის დაფინანსების ფარგლები: არაუმეტეს 50 000 ლარისა
ხანგრძლივობა: 2011 წლის 15 ოქტომბრიდან 2012 წლის 15 იანვრამდე
დამატებითი მოთხოვნები საგრანტო პროექტთან დაკავშირებით: საგრანტო პროექტი უნდა განხორციელდეს საქართველოს ერთ რომელიმე რეგიონში (გარდა თბილისისა)

2. "საარჩევნო პროცესში ჩართულ მხარეებს შორის საკომუნიკაციო არხების განვითარების ხელშეწყობა"

საგრანტო პროექტის დაფინანსების ფარგლები: არაუმეტეს 50 000 ლარისა
ხანგრძლივობა: 2011 წლის 15 ოქტომბრიდან 2012 წლის 15 იანვრამდე
დამატებითი მოთხოვნები საგრანტო პროექტთან დაკავშირებით: საგრანტო პროექტი უნდა განხორციელდეს საქართველოს ერთ რომელიმე რეგიონში (გარდა თბილისისა)

ვის შეუძლია კონკურსში მონაწილეობა: კონკურსის გამოცხადების მომენტისათვის საქართველოს კანონმდებლობის შესაბამისად რეგისტრირებულ ადგილობრივ არასამეწარმეო (არაკომერციულ) იურიდიულ პირებს (შემდგომში - არასამთავრობო ორგანიზაცია).

საკონკურსო დოკუმენტაციის წარდგენა უნდა მოხდეს 2011 წლის 22 სექტემბრიდან 5 ოქტომბრის ჩათვლით, 10:00-დან 17:00 საათამდე (შაბათ-კვირის გარდა), მისამართზე: ქ. თბილისი, დავით აღმაშენებლის ხეივანი, მე-13 კმ, წერილობითი და ელექტრონული ფორმით (CD). არასრულყოფილად წარდგენილი დოკუმენტაცია არ განიხილება

კონკურსის შესახებ დეტალური ინფორმაცია იხილეთ: http://www.electionreforms.ge
დამატებითი ინფორმაციისათვის დაგვიკავშირდით:

მისამართი: ქ. თბილისი, დავით აღმაშენებლის ხეივანი, მე-13 კმ.
ელ-ფოსტა: centre@electionreforms.ge
საკონტაქტო პირი: გიორგი ეზუგბაია - 591 195523