კონკურსი ლოგოს შექმნაზე

კომპანია ”პროვიზია” აცხადებს კონკურსს ლოგოს შექმნაზე სასაქონლო ნიშნისათვის ”Erbau”.

კონკურსისათვის შექმნილი ლოგო უნდა იყოს წარმოდგენილი შემდეგი ფორმით:

- საკუთრივ ლოგოს გამოსახულება;
- ეტიკეტზე, თავსახურზე ან სხვა შესაფუთ მასალაზე განთავსებული ლოგო;
- სავიზიტო ბარათზე, ბლანკზე ან კონვერტზე განთავსებული ლოგო;
- მაისურზე, ქუდზე, ჭიქაზე ან კალამზე განთავსებული ლოგო.

საპრიზო ფონდი:

I ადგილი –  700 ლარი;
II ადგილი – 400 ლარი;
III ადგილი – 200 ლარი.

კომპანიის შესახებ:

სასაქონლო ნიშნით ”Erbau” წარმოებული პროდუქცია განეკუთნება მაღალი კლასის საკვებ პროდუქტებს. ამ ნიშნით იგეგმება შემდეგი სახის პროდუქციის წარმოება: ხილ-ბოსტნეულის, ხორცისა და თევზეულის კონსერვები, სნეკები, მაკარონის ნაწარმი.

სამიზნე ჯგუფი:

ამ ნიშნით წარმოებული პროდუქცია გამიზნულია საშუალოზე მაღალი შეძლების მქონე პირთათვის, რომელთათვისაც მნიშვნელოვანია მოხმარებული პროდუქციის ხარისხი და რომელიც უპირატესობას ანიჭებს მაღალი კლასის ბრენდებს.

კონკურსში მონაწილეობის პირობები:

- კონკურსში მონაწილეობა შეუძლია 18 წელს მიღწეულ ნებისმიერ ადამიანს მოქალაქეობის მიუხედავად;
- პროფესიული განათლება სავალდებულო არ არის;
- ნამუშევრები უნდა პასუხობდეს კონკურსის პირობებს და მოწოდებული იქნეს ქვემომოყვანილი მოთხოვნების დაცვით;
- პრემირებული ნამუშევრები გადადის კომპანიის საკუთრებაში.

კონკურსის მოთხოვნები:

- ნამუშევრების ზომა არ უნდა აღემატებოდეს A4 (210×297 მმ);
- ფაილები უნდა იხსნებოდეს ყველა სტანდარტული პროგრამით;
- სასურველია გამოყენებული იყოს ფერთა (CMYK) პალიტრა;
- ნამუშევარი შეიძლება იყოს როგორც ფერადი, ასევე შავ-თეთრი;
- ნამუშევარი უნდა იყოს ლაკონური, მკაფიოდ გამოხატავდეს სასაქონლო ნიშნის არსსა და სტატუსს;
- არ იყოს გადატვირთული ტონებით;
- მიანიშნებდეს გერმანიასთან კავშირზე ისევე, როგორც პროდუქციის ნატურალურობასა და მის ფერმერულ წარმოშობაზე;
- უნდა იყოს აღსაქმელად მარტივი და ადვილად დასამახსოვრებელი.

შეფასების კრიტერიუმები:

- ნამუშევრები უნდა პასუხობდეს კონკურსის პირობებს;
- მოწოდებული იქნეს კონკურსის მოთხოვნების დაცვით;
- შესრულების მაღალი ხარისხი;
- იდეის ორიგინალურობა;
- კრეატიულობა.

კონკურსის ვადები:

ნამუშევრები მოგვაწოდეთ არაუგვიანეს 30.06.2011

დამატებითი ინფორმაციისათვის მოგვმართეთ:
მისამართი: თბილისი, ჭავჭავაძის გამზირი, 55, მარტინ ბაუერის შენობა
ტელეფონი: (+995 32)225630
ელ-ფოსტა: guja@provisia.ge (copy: george@provisia.ge)