კონკურსი სარწყავი სისტემის მშენებლობაზე

ფონდი "მოძრაობა შიმშილის წინააღმდეგ" (ACF) ახორციელებს შვედეთის განვითარების სააგენტოს (Sida) მიერ დაფინანსებულ პროექტს, რომელიც ემსახურება მცხეთის რაიონის სოფელ წილკანში სარწყავი წყალმომარაგების სისტემის მშენებლობას.

კონკურსში მონაწილეობა შეუძლიათ მხოლოდ იმ კომპანიებს, რომლებიც აკმაყოფილებენ შემდეგ მოთხოვნებს:

- რეგისტრირებულია საქართველოს კანონმდებლობის შესაბამისად.
- არის დამატებითი ღირებულების გადასახადის (დღგ) გადამხდელი, საგადასახადო ინსპექციის მიერ მინიჭებული საიდენტიფიკაციო ნომრით.
- არის ფინანსურად მდგრადი, აქვს მნიშვნელოვანი გამოცდილება და საკმარისი შესაძლებლობა იმისათვის, რომ დაუყოვნებლივ განახორციელოს მოთხოვნილი სამუშაო.
- ბოლო სამი წლის განმავლობაში განხორციელებული აქვს 100,000 ლარზე მეტი ღირებულების მსგავსი ტიპის პროექტები.

ყველა დაინტერესებულ კომპანიას ვიწვევთ ACF-ის ოფისში (თბილისი, მცხეთის ქუჩა 37, მე-3 სართული) სამშაბათს, 2011 წლის 30 აგვისტოს, 15:00-დან 17:00 საათამდე, რათა მიიღოთ სრული საკონკურსო დოკუმენტაცია. აღნიშნულ თარიღამდე არანაირი დოკუმენტაცია არ გაიცემა.