მასწავლებელთა პროფესიული განვითარების ეროვნული ცენტრი აცხადებს კონკურსს თბილისის მასწავლებლის სახლში კონსულტანტების თანამდებობაზე.
კონკურსი ცხადდება შემდეგ მიმართულებებზე: მათემატიკა, ფიზიკა, ქიმია,
ბიოლოგია, გეოგრაფია, ისტორია, ქართული და განათლების
ფსიქოლოგია/პროფესიული უნარები.
მასწავლებელთა პროფესიული განვითარების მიზნით განათლებისა და მეცნიერების
სამინისტროს მასწავლებელთა პროფესიული განვითარების ეროვნული ცენტრი ქმნის
მასწავლებლის სახლს. მასწავლებლის სახლი უმასპინძლებს და იზრუნებს საჯარო
და კერძო სკოლის მასწავლებლების, საჯარო და კერძო სკოლის დირექტორების,
პროფესიული სასწავლებლების მასწავლებლების, სკოლაში დასაქმებულ სხვა
პირების პროფესიულ განვითარებასა და სათანადო ინფორმირებაზე.
კონსულტანტთა ფუნქცია-მოვალეობებია:
-მასწავლებელთა საჭიროებების ანალიზის განხორციელება;
-სემინარების, შეხვედრების, ტრენინგების ორგანიზება და მათი განხორციელება;
-მასწავლებელთა დამხმარე მასალების შექმნა;
-დაინტერესებული პირებისთვის კონსულტაციების გაწევა;
-მასწავლებელთა პრაქტიკაზე დაკვირვება და მათთვის რეკომენდაციების გაწევა.
კონსულტანტის საკვალიფიკაციო მოთხოვნებია:
-შესაბამისი უმაღლესი განათლება (მინიმუმ მაგისტრის ხარისხი);
-განათლების სფეროში მინიმუმ 5 წლის მანძილზე მუშაობის გამოცდილება;
-მასწავლებლის პროფესიული სტანდარტის და ეროვნული სასწავლო გეგმის საფუძვლიანი ცოდნა;
-საოფისე კომპიუტერული პროგრამების ცოდნა;
-უცხო ენის ცოდნა (სასურველია ინგლისური ენის ცოდნა) ;
-სახელმძღვანელოს ავტორობა ან/და თანაავტორობა, (სასურველია აკრედიტირებულ ტრენინგ- პროგრამის ავტორობა).
პიროვნული თვისებები:
-ვერბალური და წერითი კომუნიკაციის უნარი;
-შემოქმედებითი და კრიტიკული აზროვნება;
-გუნდური მუშაობის უნარი;
-არგუმენტირებული მსჯელობის/საკუთარი მოსაზრების მკაფიოდ ჩამოყალიბების უნარი.
კონკურესში მონაწილეობის პირობები:
კონკურსში მონაწილეობის მსურველებმა უნდა წარმოადგინონ CV და სამოტივაციო წერილი.
კონკურსის პირველ ეტაპზე ჩატარდება გასაუბრება, ხოლო მეორე ეტაპზე შერჩევა მოხდება წერითი დავალების საფუძველზე.
შერჩეულ კანდიდატებს გაუფორმდებათ ხელშეკრულება. კონსულტანტის თანამდებობაზე თითოეული მიმართულებით ვაკანტურია 1 ადგილი.
კონსულტანტის თვიური ანაზღაურებაა: 2,000 ლარი.
გთხოვთ, თქვენთვის სასურველი ვაკანსიის დასახელება მიუთითოთ სათაურის ველში.
დაინტერესებულ პირებს ვთხოვთ, აუცილებელი დოკუმენტაცია გამოგვიგზავნონ ელექტრონული ფოსტის საშუალებით ელ. მისამართზე: tkupatadze@tpdc.ge, 2011 წლის 10 სექტემბრის 18:00 საათამდე.
