საერთაშორისო ჰუმანიტარული ორგანიზაცია "ლტოლვილთა ნორვეგიის საბჭო" (NRC), ნორვეგიის საგარეო საქმეთა სამინისტროს დაფინანსებით, აცხადებს ღია ტენდერს სარეაბილიტაციო სამუშაოებზე და იწვევს დაინტერესებულ კომპანიებს მონაწილეობა მიიღონ 5 კოლექტიური ცენტრის რეაბილიტაციაში ქ. ქუთაისში.
ლოტი A14 - ბ/ბაღი #5
ლოტი A15 - ელ. ტექნიკის ლიცეუმი
ლოტი A16 - პედაგოგთა დახელ. ინსტიტუტი
ლოტი A17 - ბ/ბაღი #30
ლოტი A18 - კულინარიული სასწავლებელი
ტენდერში მონაწილეობის მიღება შეუძლია ყველა ორგანიზაციას, რომელიც:
- რეგისტრირებულია, როგორც სამშენებლო კომპანია საქართველოს კანონმდებლობის შესაბამისად
- არის დამატებითი ღირებულების გადასახადის (დღგ-ს) გადამხდელი.
- არის ფინანსურად ძლიერი.
- აქვს დიდი გამოცდილების მქონე და ბოლო 3 წლის განმავლობაში განხორციელებული აქვს პროექტები, რომელთა მთლიანი ჯამური ღირებულება შეადგენს სულ მცირე 100 000 ლარს, სასურველია სახლების მშენებლობის/რეაბილიტაციის კუთხით
- ფლობს საკმარის რესურსებს, პერსონალს, აღჭურვილობას და ტექნიკას, რომ ხელშეკრულების გაფორმებისთანავე დაუყოვნებლივ შეუდგეს დაგეგმილ სამშენებლო/სარეაბილიტაციო სამუშაოებს.
დაწვრილებითი ინფორმაცია ტენდერში მონაწილეობის მსურველებისთვის წარმოდგენილია სატენდერო პაკეტში.
გთხოვთ, გაითვალისწინოთ, რომ ხელშეკრულების გაფორმებისას წინასწარი გადახდა არ მოხდება. კონტრაქტორს თანხა გადაერიცხება გარკვეული სამუშაოების განხორციელების შემდეგ წარმოდგენილი მიმდინარე ანგარიშის მიხედვით.
სატენდერო პაკეტის გატანა A14-A18 ლოტებისთვის შესაძლებელი იქნება 2011 წლის 5 და 6 სექტემბერს, 10 საათიდან 17 საათამდე, შემდეგ მისამართებზე:
"ლტოლვილთა ნორვეგიის საბჭო", ქუთაისის ოფისი - ქუთაისი, გოგებაშვილის 25
"ლტოლვილთა ნორვეგიის საბჭო", თბილისის ოფისი - თბილისი, თაბუკაშვილის ქ. 19ა
2011 წლის 7 სექტემბერს "NRC"-ის ინჟინრების მიერ ორგანიზებული იქნება სავალდებულო საველე ვიზიტები ობიექტებზე. შეხვედრის ადგილი და დრო: 7 სექტემბრის დილის 11 საათი, ქ. ქუთაისი, შარვაშიძის 57.
სატენდერო წინადადების შემოტანის ბოლო ვადაა 2011 წლის 12 სექტემბერი, 12:00 საათი, "NRC" ქუთაისის ოფისი. სატენდერო წინადადებების გახსნა მოხდება იმავე დღეს, 14:00 საათზე, "NRC" ქუთაისის ოფისში. წინადადებების გახსნის პროცესზე დასწრება შეუძლიათ კომპანიების თითო წარმომადგენელს.
დამატებითი ინფორმაციის მისაღებად დაუკავშირდით ბ-ნ კობა ცირამუას: 8(431) 245717.
