სესხის ოფიცერი - ზუგდიდი, წალენჯიხა

სს მიკროსაფინანსო ორგანიზაცია "კრისტალი" აცხადებს ორ ვაკანსიას სესხის ოფიცრის თანამდებობაზე, ზუგდიდისა და წალენჯიხის სერვის ცენტრებში.

"კრისტალი" წარმოადგენს ადგილობრივ მიკროსაფინანსო ორგანიზაციას, რომელიც მიკრო სესხების გაცემის გზით ხელს უწყობს მცირე ბიზნესის განვითარებას საქართველოში. "კრისტალი" ერთ-ერთი წარმატებული და განვითარებული მიკროსაფინანსო დაწესებულებაა ქვეყნის მასშტაბით, რომელიც ემსახურება 10,000-ზე მეტ კლიენტურას და ოპერირებს საქართველოს 5 რეგიონში, 16 ფილიალისა და სერვის ცენტრის მეშვეობით.

სტაბილურ და მზარდ ხელფასთან ერთად, ორგანიზაცია თავის თანამშრომლებს უზრუნველყოფს დამატებითი პრემიალური ანაზღაურებით, კარგი სამუშაო პირობებით, სხვადასხვა სასწავლო გასვლითი ტრენინგებით, ჯანმრთელობის დაზღვევით, კარიერული ზრდის პერსპექტივით და ა.შ.

ძირითადი მოვალეობები:
-10,000$-მდე მიკრო სესხების, მათ შორის აგრო და სამომხმარებლო სესხების გაცემა;
-აქტიური მარკეტინგული საქმიანობა, კლიენტთა მოძიება;
-საკრედიტო პორტფელის ხარისხიანი, ოპერატიული და ეფექტური მართვა;
-კლიენტთა სრული მომსახურება ორგანიზაციის სტანდარტების შესაბამისად;
-ბიზნეს აპლიკაციების შესწავლა/დამუშავება, დეტალური გამოკვლევა და ანალიზი;
-დაგვიანებულ და პრობლემურ სესხებთან განსაკუთრებული მუშაობა;
-დეტალური ანგარიშგება გაწეული საქმიანობის შესახებ;
-ზუგდიდში სერვის ცენტრში მომუშავე სესხის ოფიცერს დაევალება პორტფელის შექმნა ხობის რაიონში.

ძირითადი მოთხოვნები:
-უმაღლესი ეკონომიკური (ან ფინანსური) განათლება;
-მცირე ბიზნესისა და მიკროეკონომიკის ცოდნის სათანადო დონე;
-მიკროკრედიტების სფეროში მუშაობის გამოცდილება (სასურველია);
-დაგეგმარების (მათ შორის ფინანსური) კარგი უნარი;
-ადამიანებთან ურთიერთობების დამყარების უნარი, კომუნიკაბელურობა;
-კრიტიკული, ანალიტიკური და შემოქმედებითი აზროვნების უნარი;
-პუნქტუალობა, აკურატულობა, პრინციპულობა, არაკონფლიქტურობა;
-მოსმენის უნარი, კოლეგიალობა, გუნდური და ინდივიდუალური მუშაობის უნარი;
-სტრესულ სიტუაციაში მუშაობის უნარი და დამატებითი პასუხისმგებლობის აღების უნარი/სურვილი;
-ძირითადი კომპიუტერული პროგრამების (MS Office) კარგად ფლობა.

დაინტერესებულ პირებს შეუძლიათ შეავსონ თანდართული სააპლიკაციო ფორმა და გამოაგზავნონ შემდეგ ელექტრონულ მისამართზე: hr@crystal.ge 2012 წლის 21 თებერვლის 17.00 საათამდე. გთხოვთ, სათაურის ველში მიუთითოთ პოზიცია და ადგილმდებარეობა, სადაც შემოგაქვთ განაცხადი. წინააღმდეგ შემთხვევაში, თქვენი განაცხადი არ განიხილება.

მხოლოდ შერჩეული კანდიდატები იქნებიან გამოძახებული შემდგომ ეტაპზე.