სტაჟირება გენერალურ ინსპექციაში

საქართველოს იუსტიციის სამინისტრო აცხადებს სტაჟირებას გენერალურ ინსპექციაში.

საქართველოს იუსტიციის სამინისტროს, როგორც სახელმწიფოში მოქმედ კანონშემოქმედების, სამართალწარმოების, მოქალაქეთა სამართლებრივი დაცვის უზრუნველყოფაზე პასუხისმგებელ უწყებას, საკვანძო როლი ეკისრება ქვეყნის დემოკრატიული განვითარებისა და სამართლებრივი ფორმირების საქმეში.

ჩვენთან დასაქმების შემთხვევაში, სამინისტრო გთავაზობთ:
-პროფესიული განვითარების საშუალებას;
-კარიერული განვითარების საშუალებას;
-თანამედროვე და კომფორტულ სამუშაო გარემოს.

სტაჟიორის შერჩევა მოხდება საკონკურსო წესით, რომელიც ჩატარდება ტესტირებისა (ზოგადი უნარების ტესტი და პროფესიული ტესტი) და გასაუბრების ფორმით.

წარმატებული კანდიდატები გაივლიან ექვსი თვიდან ერთ წლამდე ანაზღაურებად სტაჟირებას საქართველოს იუსტიციის სამინისტროს გენერალურ ინსპექციაში.

საშტატო ერთეული: 2 სტაჟიორი.
ანაზღაურება: 400 ლარი.

ძირითადი მოვალეობები:
-იუსტიციის სამინისტროს სისტემის თანამშრომელთა დისციპლინის მონიტორინგი;
-მოქალაქეთა განცხადებებისა და საჩივრების შესწავლა;
-სარეკომენდაციო ხასიათის დოკუმენტების მომზადება.

საკვალიფიკაციო მოთხოვნები:
-უმაღლესი იურიდიული განათლება; სასურველია მაგისტრის ხარისხი;
-ინგლისური და რუსული ენების ცოდნა (საშუალო დონე);
-ძირითადი კომპიუტერული პროგრამების ცოდნა;
-კომუნიკაბელური;
-ორგანიზებული;
-დეტალებზე ორიენტირებული;
-გუნდური მუშაობის უნარი;
-სტრესულ გარემოში მუშაობის უნარი;
-გადაწყვეტილების სწრაფად მიღების უნარი;
-დამოუკიდებლად მუშაობის უნარი.

საკონკურსო თემატიკა:
-საქართველოს კონსტიტუცია;
-საქართველოს სამოქალაქო კოდექსი;
-საქართველოს ზოგადი ადმინისტრაციული კოდექსი;
-"პროკურატურის შესახებ" საქართველოს კანონი;
- "საჯარო რეესტრის შესახებ" საქართველოს კანონი;
-"სააღსრულებო წარმოებათა შესახებ" საქართველოს კანონი;
-" ნოტარიატის შესახებ" საქართველოს კანონი;
-"საჯარო სამსახურის შესახებ" საქართველოს კანონი;
-საქართველოს შრომის კოდექსი;
-2008 წლის 7 ნოემბრის საქართველოს პრეზიდენტის #541 ბრძანებულება საქართველოს იუსტიციის სამინისტროს დებულების დამტკიცების შესახებ.

კონკურსში მონაწილეობის მსურველებს გთხოვთ, შეავსოთ სააპლიკაციო ფორმა მისამართზე: http://www.hr.gov.ge 2012 წლის 10 თებერვლის ჩათვლით.