საქართველოს იუსტიციის სამინისტრო აცხადებს კონკურსს ქუთაისის იუსტიციის სახლში სამოქალაქო რეესტრის სააგენტოს სამსახურის უფროსის მოადგილის თანამდებობებზე.
ფუნქცია-მოვალეობები:
** სამოქალაქო რეესტრის საქმიანობის სფეროში შემავალი დოკუმენტების შემოწმება და დადასტურება;
** წარმოდგენილი დოკუმენტების კანონის მოთხოვნებთან შესაბამისობის უზრუნველყოფა;
** სხვა სამსახურიდან ან სხვა ორგანოებიდან საბუთების გამოთხოვა;
** საქმისწარმოების საჭიროებისათვის დოკუმენტების მოკვლევა, მოძიება და ანალიზი;
** თავისი კომპეტენციის ფარგლებში შემავალ საკითხებზე გადაწყვეტილებების მიღება;
** სამსახურის მთავარ სპეციალისტებს შორის უფლება-მოვალეობების განაწილება და მათთვის სათანადო დავალებებისა და მითითებების მიცემა.
საკვალიფიკაციო მოთხოვნები:
** უმაღლესი განათლება;
** მენეჯერულ პოზიციაზე მუშაობის გამოცდილება 2-3 წელი;
** საოფისე პროგრამების ცოდნა.
საკონკურსო თემატიკა:
** სამოქალაქო რეესტრის სააგენტოს მოქალაქეთა მომსახურების სტანდარტები;
** საქართველოს კანონი უცხოელთა სამართლებრივი მდგომარეობის შესახებ;
** საქართველოს კანონი სახელმწიფო რეესტრის შესახებ;
** საქართველოს ორგანული კანონი საქართველოს მოქალაქეობის შესახებ;
** საქართველოს კანონი სამოქალაქო აქტების რეგისტრაციის შესახებ;
** საქართველოს კანონი სამოქალაქო რეესტრის სააგენტოს მიერ გაწეული მომსახურებისათვის დაწესებული საფასურის შესახებ;
** საქართველოს კანონი საქართველოს მოქალაქეთა და საქართველოში მცხოვრებ
უცხოელთა რეგისტრაციის, პირადობის (ბინადრობის) მოწმობისა და საქართველოს
მოქალაქის პასპორტის გაცემის წესის შესახებ;
** საქართველოს იუსტიციის მინისტრის ბრძანება #213, 2006 წლის 30 იანვარი,
ქ. თბილისი, საჯარო სამართლის იურიდიული პირის - სამოქალაქო რეესტრის
სააგენტოს ტერიტორიული სამსახურის ტიპური დებულების დამტკიცებისა და
სამოქმედო ტერიტორიის განსაზღვრის შესახებ;
** საქართველოს იუსტიციის მინისტრის ბრძანება #209, 2006 წლის 30 იანვარი,
ქ. თბილისი, საჯარო სამართლის იურიდიული პირის - სამოქალაქო რეესტრის
სააგენტოს დებულების დამტკიცების შესახებ;
** სამოქალაქო რეესტრის სააგენტოს ადამიანური რესურსების მართვის სახელმძღვანელო;
** საქართველოს კანონი საქართველოს მოქალაქეების საქართველოდან გასვლისა და საქართველოში შემოსვლის წესების შესახებ;
** საქართველოს კანონი ელექტრონული ხელმოწერისა და ელექტრონული დოკუმენტის შესახებ;
** საქართველოს პრეზიდენტის ბრძანებულება #404, 2009 წლის 14 ივლისი, დოკუმენტის აპოსტილით დამოწმების წესის დამტკიცების შესახებ;
** საქართველოს კანონი ამნისტიის შესახებ.
გთხოვთ, იხილოთ ვებ-გვერდი: http://www.cra.gov.ge
კონკურსში მონაწილეობის მსურველებს გთხოვთ, შეავსოთ სააპლიკაციო ფორმა მისამართზე: http://www.hr.gov.ge 2011 წლის 1 დეკემბრის ჩათვლით.
