კერძო სამართლის სამმართველოს უფროსი

საქართველოს იუსტიციის სამინისტრო აცხადებს კონკურსს სამართალშემოქმედების დეპარტამენტში კერძო სამართლის სამმართველოს უფროსის პოზიციაზე.

საქართველოს იუსტიციის სამინისტროს, როგორც სახელმწიფოში მოქმედ კანონშემოქმედების, სამართალწარმოების, მოქალაქეთა სამართლებრივი დაცვის უზრუნველყოფაზე პასუხისმგებელ უწყებას, საკვანძო როლი ეკისრება ქვეყნის დემოკრატიულ განვითარებისა და სამართლებრივი ფორმირების საქმეში.

ჩვენთან დასაქმების შემთხვევაში, სამინისტრო გთავაზობთ:

- პროფესიული და კარიერული განვითარების საშუალებას;
- თანამედროვე და კომფორტულ სამუშაო გარემოს;
- ბონუს სისტემას;
- სამედიცინო დაზღვევას.

ძირითადი ფუნქცია-მოვალეობა:

- ნორმატიული აქტების პროექტების სამართლებრივი ექსპერტიზა და სამმართველოს თანამშრომელთა მიერ ექსპერტიზის პროცესში მომზადებული დასკვნების განხილვა;
- სამართალშემოქმედებითი საქმიანობა;
- ცალკეულ დავალებათა შესრულება (საზღვარგარეთის სახელმწიფოთა კანონმდებლობის კვლევა, სიახლეების დანერგვა და სხვა).

საკვალიფიკაციო მოთხოვნები:

- უმაღლესი იურიდიული განათლება;
- სპეციალობით მუშაობის არანაკლებ სამწლიანი გამოცდილება;
- საოფისე კომპიუტერული პროგრამების ცოდნა.
- ანალიტიკური აზროვნება;
- პასუხისმგებლობის გრძნობა;
- კომუნიკაბელურობა;
- სტრესული სიტუაციების მართვა;
- დროის ეფექტიანად გამოყენება.

თანამდებობრივი სარგო: 1,700 ლარი.

საკონკურსო თემატიკა:

- საქართველოს კონსტიტუცია;
- საქართველოს ზოგადი ადმინისტრაციული კოდექსი;
- საქართველოს სამოქალაქო კოდექსი;
- "საჯარო სამსახურის შესახებ" საქართველოს კანონი;
- საქართველოს საბიუჯეტო კოდექსი;
- საქართველოს საგადასახადო კოდექსი;
- "სახელმწიფო ქონების შესახებ" საქართველოს კანონი;
- "საქართველოს მთავრობის სტრუქტურის, უფლებამოსილებისა და საქმიანობის წესის შესახებ" საქართველოს კანონი;
- "ნორმატიული აქტების შესახებ" საქართველოს კანონი;
- "სახელმწიფო შესყიდვების შესახებ" საქართველოს კანონი;
- "სააღსრულებო წარმოებათა შესახებ" საქართველოს კანონი;
- "მეწარმეთა შესახებ" საქართველოს კანონი;
- "საქართველოს იუსტიციის სამინისტროს დებულების დამტკიცების შესახებ" საქართველოს პრეზიდენტის 2008 წლის 7 ნოემბრის #541 ბრძანებულება;
- "საქართველოს იუსტიციის სამინისტროს სამართალშემოქმედების დეპარტამენტის დებულების დამტკიცების შესახებ" საქართველოს იუსტიციის მინისტრის 2009 წლის 29 დეკემბრის #236 ბრძანება.

კონკურსში მონაწილეობის მსურველებს გთხოვთ, შეავსოთ სააპლიკაციო ფორმა მისამართზე: http://www.hr.gov.ge 2011 წლის 21 სექტემბრიდან 4 ოქტომბრამდე.