პროექტის მენეჯერის თანაშემწე

ილიას სახელმწიფო უნივერსიტეტი აცხადებს კონკურსს პროექტის მენეჯერის თანაშემწის თანამდებობაზე.

ილიას სახელმწიფო უნივერსიტეტი ევროკომისიის "TEMPUS" პროექტის ფარგლებში ახორციელებს პროექტს - "სტუდენტთა აქტიური სწავლება ბუნებისმეტყველებაში" - "Student Active Learning in Science" - Tempus Project No. 511275-TEMPUS-1-2010-1-GE-TEMPUS-JPCR. პროექტის მიზანია სკოლებში საბუნებისმეტყველო მეცნიერებების აქტიურად სწავლების ხელშეწყობა. პროექტი ხორციელდება ევროპელი (ირლანდია, გერმანია, ბულგარეთი) და სხვა პარტნიორი ქვეყნების (საქართველო, მოლდოვა, ისრაელი) უნივერსიტეტების თანამშრომლობის საფუძველზე.

მოვალეობები:

-  პროექტის ფარგლებში სხვადასხვა საორგანიზაციო საქმიანობის განხორციელება;
-  ტრენინგების, სემინარების, კონფერენციის საორგანიზაციო საკითხების მოგვარება;
-  უცხოელ პარტნიორებთან ურთიერთობა;
-  პროექტის ფარგლებში შექმნილი საბუნებისმეტყველო ლაბორატორიის აღჭურვასა და მოწყობაში მონაწილეობის მიღება.

საკვალიფიკაციო მოთხოვნები:

-  უმაღლესი განათლება სამედიცინო/საბუნებისმეტყველო მეცნიერებების მიმართულებით ან სწავლების სამაგისტრო ან სადოქტორო საფეხურის სტუდენტი;
-  სასურველია ინგლისური ენის ცოდნა (უცხოელ კოლეგებთან ვერბალური და წერითი კომუნიკაციის დამყარების შესაძლებლობა);
-  საოფისე კომპიუტერული პროგრამების ცოდნა.

სამუშაო დატვირთვა - ნახევარი განაკვეთი.

დაინტერესებულმა კანდიდატებმა უნდა გამოგზავნონ CV ელექტრონულ მისამართზე: marika_kapanadze@iliauni.edu.ge არაუგვიანეს 2011 წლის 12 სექტემბრისა. გთხოვთ, სათაურის ველში მიუთითოთ ვაკანსიის დასახელება - "პროექტის მენეჯერის თანაშემწე".