"ზარაფხანა" აცხადებს კონკურსს სამკაულების შექნაზე.
თემა:
თანამედროვე ტენდენციების გათვალისწინებით შექმნილი სამკაულის სამეული (ბეჭედი, საყურე, გულსაკიდი). სამკაულები უნდა იყოს მისაღები ყველა ასაკის მანდილოსნისათვის.
თითოეულმა მონაწილემ უნდა შექმნას სამკაულების ესკიზების კომპიუტერული ვერსია: ქორელში (Corel) სამივე ხედი - წინხედი, გვერდხედი, ზედხედი. მონაწილემ კომპეტენტური ჟიურის წინაშე უნდა წარმოადგინოს ამობეჭდილი ვერსია და ელექტრონული ვერსია, ჩაწერილი CD-ზე. მონაწილეებს აქვთ უფლება იმუშავონ, როგორც ინდივიდუალურად, ისე გუნდურად.
ტექნიკური მოთხოვნები:
1. გამოყენებული მასალა: ოქრო (თეთრი ან ყვითელი)
2. ბუნებრივი ქვები: ტოპაზი (ცისფერი), ციტრინი (ყვითელი), ამეთვისტო (იასამნისფერი), ძოწი (წითელი).
3. ქვების დიამეტრი: მრგვალი ქვა: დიამეტრი - 3,4,7,8.
4. ოვალური ქვა: 3/6, 5/8, 8/10 და 10/12.
ოთხკუთხედი ქვა: 4/4 6/6 7/7 8/8
მართკუთხედი ქვა: 4/8
მსხლის ფორმის ქვა: 4/8 5/8 7/10
ბრილიანტი: დიამეტრი: 1,4 2, 2,4 3.
5. ესკიზი უნდა იყოს შესრულებული ნატურალურ ზომებში.
გამარჯვებულის შერჩევა და ჯილდო:
ნამუშევრების განხილვა: აპლიკაციის მიღების ვადის ამოწურვის შემდეგ, აპლიკანტებს ეძლევათ 14 კალენდარული დღე, რომ წარდგნენ საკუთარი ნამუშევრებით/ესკიზებით კომპეტენტური ჟიურის წინაშე.
ჟიურის შემადგენლობა: საიუველირო კომპანია "ზარაფხანას" თანამშრომლები, ილიას სახელობის უნივერსიტეტისა და სამხატვრო აკადემიის კონკრეტული მიმართულების პროფესორ-მასწავლებლები.
გამარჯვებულის შერჩევა: გამარჯვებულს შეარჩევს პროფესიონალებით დაკომპლექტებული ჟიურის წევრები.
დაჯილდოება: გამარჯვებული ესკიზის ავტორი იმუშავებს კომპანიასთან ერთად ახალი კოლექციის შექმნაზე და მიიღებს ფულად ჯილდოს.
რეგისტრაცია:
კონკურსში მონაწილეთა მსურველებმა უნდა გაიარონ რეგისტაცია სპეციალური ფორმის შევსებით. სააპლიკაციო ფორმის მოძიება შეიძლება საიუველირო კომპანია 'ზარაფხანას" ნებისმიერ საფირმო მაღაზიაში.
აპლიკაციის მიღების ბოლო ვადაა 2011 წლის 25 ოქტომბერი.
დამატებითი კითხვების შემთხვევაში, გთხოვთ, მოგვმართოთ ტელეფონის ნომერზე: 2 510001 ან facebook.com ოფიციალურ ბიზნეს გვერდზე (ID: zarapxana)
