კომპანია "ვინივერია" ხსნის სასტუმრო კომპლექსს "შატო მერე" და აცხადებს ვაკანსიებს სასტუმროს ადმინისტრატორის პოზიციებზე (2 პოზიცია).
მდებარეობა: თელავის რაიონი.
მოვალეობები:
- სტუმრის მიღება-განთავსება და გაცილება
- ოთახის დაჯავშნა, ჯავშნის შეცვლა, გაუქმება
- ელექტრონული დაჯავშნის სისტემის მართვა და მოხმარება
- სტუმრების მონაცემთა ბაზაში შეტანა
- სტუმრის მისაღებად ოთახის მზადყოფნის უზრუნველყოფა
- სტუმრის ინფორმირება სატრანსპორტო მომსახურების, ტურების, ღონისძიებების და ღირშესანიშნაობების შესახებ
- ტურისტულ სააგენტოებთან კომუნიკაცია
- ინვოისის შედგენა-დამოწმება, მომსახურების საფასურის მიღება
- კრიტიკულ სიტუაციებში დროული მომსახურება
- შესაბამის საკვალიფიკაციო კურსებსა და ტრეინინგებში მონაწილეობა
- სტუმრის კმაყოფილებაზე ზრუნვა და პოზიტიური განწყობის შექმნა.
მოთხოვნები/პროფესიული და ზოგადი უნარები:
- სასტუმროს ადმინისტრატორის პოზიციაზე მუშაობის გამოცდილება
- ინგლისური და რუსული ენების ცოდნა
- ერთდროულად რამოდენიმე დავალების შესრულების უნარი
- ინფორმაციის სწრაფად აღქმის და დამახსოვრების უნარი
- თავაზიანი მომსახურების უნარი
- სტუმრებთან, კოლეგებთან და ხელმძღვანელებთან კომუნიკაციის უნარი
- გუნდური მუშაობის უნარი, ორგანიზებულობა, ენთუზიაზმი
- პრეტენზიულ სტუმრებთან სათანადო კომუნიკაციის უნარი
- პოზიციის შესაბამის დონეზე განვითარებული კომპიუტერული უნარ-ჩვევები.
მიღებულ კანდიდატს მუშაობის დაწყებამდე ჩაუტარდება ტრენინგი. სწავლების პერიოდში ანაზღაურდება ხელფასის 30%.
კანდიდატების შერჩევა მოხდება ზემოთჩამოთვლილი მოთხოვნების გათვალისწინებით. ინგლისურისა და რუსული ენების ცოდნა შეფასდება ტესტირებით.
მხოლოდ იმ კანდიდატებს, ვისაც გაქვთ შესაბამისი გამოცდილება, გთხოვთ, გამოაგზავნოთ CV (საკონტაქტო ინფორმაციით), 1 ფოტოსურათი, 1-3 სარეკომენდაციო წერილი თქვენი პროფესიული საქმიანობისა და პიროვნების დახასიათებით, შემდეგ ელ-ფოსტაზე: 2011 წლის 15 ივლისამდე. აუცილებელია მიუთითოთ სასურველი პოზიციის დასახელება.
