მოწვევა ინტერესის გამოხატვის შესახებ: საქართველოს ეროვნული ბიზნეს დაჯილდოების ორგანიზებისათვის საჭირო მომსახურების გასაწევად
პროექტი: "მერკური" 2012 - საქართველოს ეროვნული ბიზნეს დაჯილდოება
განმახორციელებელი უწყება: საქართველოს ეროვნული საინვესტიციო სააგენტო, საქართველოს ეკონომიკისა და მდგრადი განვითარების სამინისტროს პატრონაჟით
ეროვნული ბიზნეს დაჯილდოების საორგანიზაციო პროცესი მოიცავს ორ ეტაპს:
ეტაპი I: დაჯილდოების მოსამზადებელი პერიოდი
ეროვნული ბიზნეს დაჯილდოების პირველი ეტაპი მოიცავს მოსამზადებელ
სამუშაოებს, დაწყებული ნომინაციების დასახელებების შერჩევიდან,
ნომინაციებში გამარჯვებულების გამოვლენით დასრულებული.
ეტაპი II: დაჯილდოების გალა ღონისძიების დაგეგმვა და ორგანიზება
ეროვნული ბიზნეს დაჯილდოების უმთავრესი კომპონენტია გამარჯვებულების
საზეიმო დაჯილდოება. აუცილებელია დაჯილდოების ცერემონიის დეტალური დაგეგმვა
და ღონისძიების ყველა პარტნიორის ინტერესების გათვალისწინება.
დაჯილდოება გაიმართება 2012 წლის მაისის პირველ კვირაში.
დაქირავებული კომპანია უზრუნველყოფს შემდეგს:
- გალა ღონისძიებისათვის შესაფერისი ფართის შერჩევა და სათანადოდ გაფორმება;
- ღონისძიებაზე სტუმრების მიპატიჟება და განაწილება;
- თავად დაჯილდოების ცერემონიის დეტალურად დაგეგმვა - გასართობი პროგრამა და ჯილდოების საზეიმოდ გადაცემა
- ღონისძიებისათვის სპეციალური მენიუს შერჩევა, სასმელების შეხამება.
დაინტერესებული კომპანიები ვალდებულნი არიან წარმოადგინონ ინფორმაცია,
სადაც მითითებული იქნება მათი კვალიფიკაცია და მსგავსი ტიპის ღონისძიების
ჩატარების გამოცდილება (მსგავსი ტიპის ღონისძიების განხორციელების 2
მაგალითი). კომპანიამ უნდა წარმოადგინოს 2 რეკომენდაციის წერილი,
სასურველია ყოფილი დამკვეთებისაგან, ასევე მიუთითოს სათანადო კვალიფიკაციის
მქონე თანამშრომლების არსებობა.
კომპანიის შერჩევა განხორციელდება ხარისხის, ფასისა და არსებული
გამოცდილების გათვალისწინებით. საბოლოო სიაში შესულ კომპანიებს მოეთხოვებათ
დეტალური ფინანსური წინადადების წარმოდგენა.
დაინტერესებულ კომპანიას შეუძლია გააკეთოს განაცხადი ეროვნული ბიზნეს
დაჯილდოების ორივე ეტაპის განხორციელებაზე. ასევე შესაძლებელია, ინტერესის
შემთხვევაში, კომპანიამ განახორციელოს მხოლოდ პირველი - მოსამზადებელი
ეტაპი ან მეორე - გალა ღონისძიება.
ინტერესის გამოხატვის წინადადება უნდა მიტანილ იქნეს ან გაიგზავნოს ქვემოთ მითითებულ საფოსტო ან ელექტრონულ მისამართზე 2012 წლის 15 იანვრამდე.
გთხოვთ, თანდართულ დოკუმენტში იხილოთ პროექტის დეტალური აღწერა.
საქართველოს ეროვნული საინვესტიციო სააგენტო
საკონტაქტო პირი: ირინე თხელიძე
მის.: ჭანტურიას ქ. 12, თბილისი
ტელ: (+995 32) 2 433433
მობილური: (+995 599) 158989
ელ.ფოსტა: i.tkhelidze@investingeorgia.org
ვებ-გვერდი: http://www.investingeorgia.org
