სს "ენერგო-პრო ჯორჯია" არის ჩეხეთის რესპუბლიკის კომპანიის "ენერგო-პრო ეი-ეს" სრულ მფლობელობაში. კომპანიამ საქართველოს ენერგოსექტორში საქმიანობა 2007 წლის 29 ივნისს დაიწყო.
"ენერგო-პრო ჯორჯია" საქართველოში მოქმედი უმსხვილესი ენერგოკომპანიაა აბონენტების რაოდენობის, ელექტროენერგიის გაყიდვების და მომსახურების არეალის მოცულობის გათვალისწინებით, რომელიც ახორციელებს ელ. ენერგიის წარმოებას და განაწილებას საკუთარი მომსახურების ტერიტორიაზე. ენერგო-პრო ჯორჯია ფლობს და ამუშავებს 10 საშუალო ზომის ჰიდრიელექტროსადგურს.
კომპანიის დისტრიბუციის არეალი საქართველოს ტერიტორიის 70% ზე მეტს მოიცავს. ენერგო-პრო ჯორჯია ელ. ენერგიით ამარაგებს 860 000 აბონენტს. იგი ენერგეტიკული სექტორის ყველაზე დიდი მოთამაშეა. ჩვენი კომპანიის მიერ ენერგეტიკაში წლების მანძილზე დაგროვილი გამოცდილება განაპირობებს მომსახურების მაღალ ხარისხს და საქართველოს ენერგო სისტემის წარმატებულ მუშაობას.
სს "ენერგო - პრო ჯორჯია" აცხადებს კონკურსს აღმოსავლეთ საქართველოს მაღალი ძაბვის ექსპლუატაციის სამსახურის II კატეგორიის ზონის ოსტატის თანამდებობაზე, სრულ საშტატო ერთეულზე.
ამოცანები და მოვალეობები:
ქვესადგურში საექსპლუატაციო და სარემონტო სამუშაოების შესრულება არსებული წესებისა და სტანდარტების მიხედვით; ქვესადგურში წარმოქმნილი ყველა დარღვევის დროული გამოვლენა და აღმოფხვრა.
საჭირო კვალიფიკაცია:
- უმაღლესი ტექნიკური განათლება
- ელექტროდანადგარებთან მუშაობის არანაკლებ 3 წლის გამოცდილება
- კომპიუტერული საოფისე პროგრამების ცოდნა
- უცხო ენის ცოდნა (რუსული - სავალდებულო), (ინგლისური სასურველი)
სხვა მოთხოვნები:
- დამოუკიდებლად მუშაობის უნარი
- კომუნიკაბელურობა
- ჯგუფთან მუშაობის უნარი
- სამუშაოს სწორად დაგეგმვა - ორგანიზება
პირებს, რომლებიც აკმაყოფილებენ მოთხოვნებს 2011 წლის 7 ოქტომბრამდე შეუძლიათ გამოაგზავნონ მხოლოდ შევსებული სააპლიკაციო ფორმა ელექტრონულ ფოსტაზე: ან წარმოადგინონ აღნიშნული დოკუმენტები სს "ენერგო-პრო ჯორჯია"-ში შემდეგ მისამართზე: თბილისი, სანდრო ეულის ქუჩა 1.
გთხოვთ, სათაურში მიუთითოთ იმ თანამდებობის დასახელება, რაზეც აკეთებთ განაცხადს. წინააღმდეგ შემთხვევაში არ მოხდება განაცხადის განხილვა. დავუკავშირდებით მხოლოდ შერჩეულ კვალიფიცირებულ კანდიდატებს.
