სს „ენერგო-პრო ჯორჯია“ არის ჩეხეთის რესპუბლიკის კომპანიის “ენერგო-პრო ეი-ეს” სრულ მფლობელობაში. კომპანიამ საქართველოს ენერგოსექტორში საქმიანობა 2007 წლის 29 ივნისს დაიწყო.
ენერგო-პრო ჯორჯია საქართველოში მოქმედი უმსხვილესი ენერგოკომპანიაა აბონენტების რაოდენობის, ელექტროენერგიის გაყიდვების და მომსახურების არეალის მოცულობის გათვალისწინებით, რომელიც ახორციელებს ელ. ენერგიის წარმოებას და განაწილებას საკუთარი მომსახურების ტერიტორიაზე. ენერგო-პრო ჯორჯია ფლობს და ამუშავებს 10 საშუალო ზომის ჰიდრიელექტროსადგურს.
კომპანიის დისტრიბუციის არეალი საქართველოს ტერიტორიის 70% ზე მეტს მოიცავს. ენერგო-პრო ჯორჯია ელ. ენერგიით ამარაგებს 860 000 აბონენტს. იგი ენერგეტიკული სექტორის ყველაზე დიდი მოთამაშეა. ჩვენი კომპანიის მიერ ენერგეტიკაში წლების მანძილზე დაგროვილი გამოცდილება განაპირობებს მომსახურების მაღალ ხარისხს და საქართველოს ენერგო სისტემის წარმატებულ მუშაობას.
სს ''ენერგო-პრო ჯორჯია” აცხადებს კონკურსს ადამიანური რესურსების განყოფილების დამხმარე სპეციალისტის თანამდებობაზე ტექნიკურ და სამართლებრივ საკითხებში, სრულ საშტატო ერთეულზე.
მოვალეობები:
- კომპანიის ადამიანური რესურსების განყოფილების საქმიანობის სამართლებრივი უზრუნველყოფა, კონსულტაციების გაწევა და ექსპერტიზა;
- ინსტრუქციების, დებულებების, ხელშეკრულების ნიმუშების შემუშავება, სამართლებრივი ფორმის მიცემა და რევიზირება;
- პერსონალის ატესტაციისა და კვალიფიკაციის შეფასების პროცესში შემუშავებული საგამოცდო ტესტების კანონმდებლობასთან შესაბამისობაში მოყვანა;
- საქართველოს შრომის კოდექსში განხორციელებული ცვლილებების რეგულარულად მიმოხილვა და ინფორმაციის დროული მიწოდება ადამიანური რესურსების განყოფილებაში;
- პერსონალის ხელფასების დაანგარიშება, განყოფილების ყოველწლიური ბიუჯეტის განსაზღვრა და ყოველთვიური/კვარტალური/წლიური ფინანსური ანგარიშგებების მომზადება და ანალიზი;
- პერსონალის ფინანსური და ადმინისტრაციული მოძრაობის კუთხით დეტალური მაჩვენებლების ანალიზი;
- ადამიანური რესურსების მართვის პროგრამული სისტემის მხარდაჭერა/ მოდიფიკაცია/განახლება, ეფექტურად მუშაობის უზრუნველყოფა, ინფორმაციული ბაზების შექმნა,მისი ანალიზი და მოქნილი რეპოტინგით უზრუნველყოფა
საჭირო კვალიფიკაცია:
- უმაღლესი განათლება: აუცილებელი ერთ–ერთი (ეკონომიური, იურიდიული, ბიზნეს ადმინისტრირება, ფინანსები); დამატებით სასურველი – (ინფორმაციული ტექნოლოგიები);
- იურიდიულ ტექსტებზე მუშაობის, დოკუმენტების შედგენისა და კორექტირების უნარი;
- ფინანსებისა და ბუღალტერიის პრინციპების ცოდნა;
- პროგრამული სისტემის მონაცემთა ბაზებთან მუშაობის გამოცდილება;
- რეპორტებისა და პრეზენტაციების მომზადება ქართულ და ინგლისურ ენაზე;
- რუსული და ინგლისური ენების სრულყოფილად ცოდნა;
- კომპიუტერული საოფისე პროგრამების სრულყოფილად ცოდნა;
- ანალიტიკური, ლოგიკური, დეტალებზე ორიენტირების უნარი;
- კომუნიკაბელურობა;
- გუნდური პრინციპით მუშაობის უნარი.
პირებს, რომლებიც აკმაყოფილებენ მოთხოვნებს 2011 წლის 7 ივლისამდე შეუძლიათ გამოაგზავნონ რეზიუმე და შევსებული განაცხადის ფორმა ელექტრონულ ფოსტაზე: ან წარმოადგინონ აღნიშნული დოკუმენტები სს “ენერგო-პრო ჯორჯია”-ში შემდეგ მისამართზე: სათაო ოფისი, თბილისი, სანდრო ეულის ქუჩა 1
გთხოვთ, სათაურში მიუთითოთ იმ თანამდებობის დასახელება, რაზეც აკეთებთ განაცხადს. წინააღმდეგ შემთხვევაში არ მოხდება განაცხადის განხილვა.
მხოლოდ შერჩეულ კვალიფიცირებულ კანდიდატებთან მოხდება დაკავშირება.
