საქართველოს ეკონომიკისა და მდგრადი განვითარების სამინისტრო აცხადებს სტაჟირების კონკურსს ტრანსპორტის პოლიტიკის დეპარტამენტში (სამოქალაქო ავიაციის სამმართველო; სახმელეთო ტრანსპორტის სამმართველო; საზღვაო ტრანსპორტის სამმართველო; სატრანსპორტო დერეფნის განვითარების სამმართველო).
კონკურსზე დაიშვებიან 30 წლამდე ასაკის უმაღლესი საგანმანათლებლო დაწესებულების ბაკალავრიატის დამამთავრებელი კურსის სტუდენტები ან უმაღლესი საგანმანათლებლო დაწესებულების კურსდამთავრებულები.
საკვალიფიკაციო მოთხოვნები :
- უმაღლესი განათლება საჰაერო ტრანსპორტის ბიზნესის ადმინისტრირებისა და მენეჯმენტის სპეციალობით;
- უმაღლესი განათლება სარკინიგზო ან საავტომობილო ტრანსპორტის სპეციალობით;
- უმაღლესი განათლება საერთაშორისო სამართლის ან საერთაშორისო ურთიერთობების სპეციალობით (აუცილებელია საერთაშორისო საზღვაო სამართლში ან ევროპისმცოდნეობაში საბაზისო ცოდნის ქონა);
- პროექტების მენეჯმენტი;
- ინგლისური ენის სრულყოფილი ცოდნა სავალდებულოა (დოკუმენტებთან მუშაობის უნარით);
- რუსული ენის ცოდნა (სასურველია).
კონკურსში მონაწილეობის მსურველებმა უნდა წარმოდგინონ შემდეგი საბუთები:
ა) განცხადება კომისიის თავმჯდომარის სახელზე (დანართი N1);
ბ) განაცხადი სტაჟირების გავლის შესახებ (დანართი N 2);
გ) ავტობიოგრაფია ან Currculum Vitae (CV);
დ) დიპლომის ასლი/ცნობა უმაღლესი საგანმანათლებლო დაწესებულებიდან;
ე) პირადობის დამადასტურებელი მოწმობის ასლი;
ე) ერთი ფოტოსურათი (3X4);
ზ) რეკომენდაცია/შუამდგომლობა (ასეთის არსებობის შემთხვევაში).
საბუთების მიღება იწარმოებს 2011 წლის 25 ნოემბრის ჩათვლით შემდეგ მისამართზე: თბილისი, გიორგი ჭანტურიას ქ. N 12 11-დან 13 საათამდე ან ელექტრონულ ფოსტაზე konkursi@economy.ge
სტაჟიორთა შერჩევა გაიმართება გასაუბრების ფორმით.
დავუკავშირდებით მხოლოდ იმ კანდიდატებს, რომლებიც დააკმაყოფილებენ საკვალიფიკაციო მოთხოვნებს.
