ორგანიზაციის "ევრიჩაილდ" საქართველოს ფილიალი აცხადებს კონკურსს მცირე საოჯახო ტიპის სახლის ძირითადი მზრუნველების ვაკანსიაზე რუსთავში და ძირითადი და ჩამნაცვლებელი მზრუნველების ვაკანსიაზე წალენჯიხაში .
მომსახურების აღწერა:
მცირე საოჯახო ტიპის სახლი წარმოადგენს ოჯახის ჩამნაცვლებელ მომსახურებას, რომლის მიზანია ოჯახურ გარემოს მოკლებული ბავშვები უზრუნველყოს საჭირო ზრუნვით. ბავშვები ცხოვრობენ სახლში სადაც მათზე მშობლის მსგავს ზრუნვას ახორციელებს ორი ძირითადი (დედობილ/მამობილი) და ორი ჩამნაცვლებელი (დეიდა/ბიძა) მზრუნველი.
სახლი ზრუნავს 8 ბავშვის (ასაკი 6-დან 18 წლამდე) ოჯახურ გარემოში აღზრდასა და განვითარებაზე. ასევე, იმ სასიცოცხლო უნარ-ჩვევების ჩამოყალიბებაზე, რომლებიც ხელს შეუწყობს მათ შემდგომ დამოუკიდებელ ცხოვრებას საზოგადოებაში.
დედობილი და მამობილი კვირის განმავლობაში ახორციელებენ ბავშვებზე ზრუნვას, ხოლო შაბათ-კვირას მათ ცვლიან ჩამნაცვლებელი აღმზრდელები - დეიდა და/ან ბიძა.
მზრუნველთა ძირითად მოვალეობებს წარმოადგენს:
- ბავშვისათვის უსაფრთხო და მზრუნველი გარემოს შექმნა;
- ბავშვის ღირსების, საყოველთაოდ აღიარებული უფლებებისა და თავისუფლებების დაცვა;
- ბავშვის ემოციური, ფიზიკური, ინტელექტუალური და სოციალური განვითარების ხელშეწყობა;
- ბავშვზე ზრუნვა ინდივიდუალური საჭიროების შესაბამისად.
კანდიდატები უნდა აკმაყოფილებდნენ შემდეგ მოთხოვნებს და გააჩნდეთ შემდეგი კვალიფიკაცია:
- ბავშვებთან და მოზარდებთან მუშაობის გამოცდილება;
- სასურველია უმაღლესი განათლება;
- კარგი ორგანიზაციული, ხელმძღვანელობის, დროის მართვის, პრობლემების გადაჭრის უნარ-ჩვევები;
- კარგი კომუნიკაციის, კონფლიქტების გადაწყვეტის, გუნდური მუშაობის უნარ-ჩვევები;
- შემოქმედებითი და ანალიტიკური აზროვნების უნარი;
- ძირითადი აღმზრდელების შემთხვევაში შესაძლებლობა დასაქმდეს კვირაში 5 დღე 24 საათის განმავლობაში და ჩამნაცვლებელი აღმზრდელის შემთხვევაში დასაქმდეს შაბათ-კვირას 24 საათის განმავლობაში;
- მოტივაცია დაიცვან ბავშვთა უფლებები;
- ბავშვზე ზრუნვის საკითხებში პროფესიული განვითარების კურსის წარმატებით გავლა, (რომელსაც ორგანიზაცია "ევრიჩაილდ"-ის საქართველოს ფილიალის თანამშრომლები ჩაატარებენ ).
დაინტერესებულ პირებს აპლიკაციის შევსება ადგილობრივად შეგიძლიათ შემდეგ მისამართებზე:
რუსთავი - თბილისი, აბაშიძის N 37, მე-2 სადარბაზო, მე-3 სართული; საკონტაქტო პირი:
ეთერ პატარაია, ირინა სამხარაძე.
ტ: 2 224007; 2 913274
წალენჯიხა - წალენჯიხის რ-ნი, სალიას ქ. 4; სოციალური მომსახურების სააგენტოს წალენჯიხის რაიონული განყოფილება.
საკონტაქტო პირი: ნათია მიქავა.
ტ: 599 099356
დაინტერესებულ პირებს ასევე შეგიძლიათ ელექტრონულად შეავსოთ თანდართული ფორმა და გამოაგზავნოთ შემდეგ მისამართზე: (ველში გთხოვთ მიუთითოთ ტერიტორიულად სად გნებავთ სამსახურის დაწყება).
დამატებითი ინფორმაციისთვის დაგვიკავშირდით შემდეგ ნომრებზე: 2 224007; 2 913274.
ფორმის გამოგზავნის ბოლო ვადა: 16 სექტემბერი, 2011 წელი, 18:00 სთ.
