გრიგოლ რობაქიძის სახელობის უნივერსიტეტი აცხადებს კონკურსს სრული და ასოცირებული პროფესორების
აკადემიური თანამდებობების დასაკავებლად, სამართლის, მედიცინის და
ჰუმანიტარულ და სოციალურ მეცნიერებათა სკოლებში საგანმანათლებლო-სამეცნიერო
პროგრამების განხორციელებისათვის:
სამართლის სკოლა:
1. სისხლის სამართალი
სრული პროფესორი - 1 საშტატო ერთეული;
ასოცირებული პროფესორი - 1 საშტატო ერთეული.
2. საჯარო სამართალი
ასოცირებული პროფესორი - 2 საშტატო ერთეული.
3. კერძო სამართალი
სრული პროფესორი - 1 საშტატო ერთეული;
ასოცირებული პროფესორი - 1 საშტატო ერთეული.
მედიცინის სკოლა:
4. თერაპიული სტომატოლოგია
სრული პროფესორი - 1 საშტატო ერთეული.
ჰუმანიტარულ და სოციალურ მეცნიერებათა სკოლა:
5. ინგლისური ენის სწავლების მეთოდიკა
სრული პროფესორი - 1 საშტატო ერთეული.
6. ლიტერატურულ-პუბლიცისტური მიმდინარეობის ისტორია
ასოცირებული პროფესორი - 1 საშტატო ერთეული.
სრული და ასოცირებული პროფესორის თანამდებობაზე, 5 წლის ვადით, შეიძლება
არჩეულ იქნეს დოქტორის აკადემიური ხარისხის მქონე პირი. სრული პროფესორის
თანამდებობის დასაკავებლად საჭიროა არანაკლებ 6 წლის
სამეცნიერო-პედაგოგიური გამოცდილება, ხოლო ასოცირებული პროფესორის
თანამდებობის დასაკავებლად - არანაკლებ 3 წლის სამეცნიერო-პედაგოგიური
გამოცდილება.
სრული და ასოცირებული პროფესორების თანამდებობრივი სარგო განისაზღვრება
ხელშეკრულების შესაბამისად, რანჟირებული სახელფასო განაკვეთის ფარგლებში.
აკადემიური თანამდებობების დასაკავებლად კანდიდატებმა უნდა დააკმაყოფილონ შემდეგი მოთხოვნები/კრიტერიუმები:
აკადემიურ თანამდებობაზე ასარჩევად პრეტენდენტის პედაგოგიურ და მეცნიერულ საქმიანობაში უნდა ვლინდებოდეს:
- დინამიზმი, ეფექტურობა, მასშტაბურობა;
- აქტიური მოქალაქეობრივი პოზიცია;
- ლიდერობა, კომუნიკაბელურობა, პასუხისმგებლობა, ნოვატორობა, არაკონფლიქტურობა, ობიექტურობა.
კრიტერიუმები განისაზღვრება შემდეგი მონაცემების მიხედვით:
- სამეცნიერო აკადემიური ხარისხი;
- სამუშაო გამოცდილება;
- თემის ხელმძღვანელობა/ოპონენტობა;
- ადმინისტრაციულ/აკადემიურ თანამდებობაზე მუშაობის გამოცდილება;
- დამატებითი აკადემიური პასუხისმგებლობა/ფუნქცია;
- პროფესიული განვითარება;
- კვლევა/მონოგრაფია/სახელმძღვანელო;
- საერთაშორისო აკადემიურ/სამეცნიერო ფორუმებში მონაწილეობა;
- საერთაშორისო აკადემიური ორგანიზაციის წევრობა;
- სახელისუფლებო დროებითი/მუდმივმოქმედი კომისიების მუშაობაში მონაწილეობა.
სრული და ასოცირებული პროფესორების თანამდებობებზე კანდიდატების
შესაბამისობის დადგენის/განსაზღვრის მიზნით, კონკურსანტებმა უნდა
წარმოადგინონ:
- განცხადება საკონკურსო კომისიის სახელზე;
- პირადობის მოწმობის ასლი;
- ავტობიოგრაფია - CV (ელექტრონული ვერსია);
- ორი ფოტოსურათი;
- განათლების, შესაბამისი აკადემიური ხარისხის დამადასტურებელი დოკუმენტების ასლი;
- სალექციო კურსების ჩამონათვალი - სილაბუსებით;
- სამეცნიერო შრომების ნუსხა (გამოცემის თარიღისა და გამომცემლობის
მითითებით); განხორციელებული საგრანტო/კვლევითი პროექტების ანოტაცია;
- სრული პროფესორის აკადემიური თანამდებობის დასაკავებლად არანაკლებ 6
წლის პედაგოგიური და სამეცნიერო მოღვაწეობის გამოცდილების დამადასტურებელი
დოკუმენტი;
- ასოცირებული პროფესორის თანამდებობის დასაკავებლად არანაკლებ 3 წლის
პედაგოგიური და სამეცნიერო მოღვაწეობის გამოცდილების დამადასტურებელი
დოკუმენტი.
საკონკურსო დოკუმენტების მიღება იწარმოებს 2012 წლის 16 იანვრიდან 25 იანვრამდე,
12:00 საათიდან 17:00 საათამდე (შაბათ-კვირის გარდა), გრიგოლ
რობაქიძის სახელობის უნივერსიტეტის ადამიანური რესურსების მართვის
სამსახურში:
თბილისი, ჯანო ბაგრატიონის ქ. 6
საკონტაქტო ტელეფონები: 2 384406, 2 382706
ელფოსტა: info@gruni.edu.ge
ვებ-გვერდი: http://www.gruni.edu.ge
საკონკურსო კომისიის სახელზე განცხადებისა და ავტობიოგრაფიის (CV) ფორმები იხილეთ უნივერსიტეტის ვებ-გვერდზე.
აკადემიურ თანამდებობებზე კანდიდატების შესაბამისობის დადგენა და
საკონკურსო შედეგების გამოქვეყნება განხორციელდება 2012 წლის 1
თებერვლამდე.
