საქართველოს საგარეო საქმეთა სამინისტრო იწვევს დაინტერესებულ კანდიდატებს გაერო-ს ახალგაზრდა პროფესიონალების პროგრამაში (UN YPP) მონაწილეობის მისაღებად.
აღნიშნული პროგრამის მიზანია, გაერო-ს სისტემაში, დამწყებ თანამდებობებზე მიიზიდოს სხვადასხვა პროფილის მქონე მაღალკვალიფიციური ახალგაზრდა სპეციალისტები. სპეციალისტების შერჩევა ხდება დასაქმების ეროვნული საგამოცდო კონკურსის (NCRE) საფუძველზე, რომელშიც გაერო-ს წევრი სახელმწიფოები რამოდენიმე წელიწადში ერთხელ, მონაცვლეობით მონაწილეობენ.დასაქმების ეროვნული საგამოცდო კონკურსის ადმინისტრირებას მთლიანად ახორციელებს გაერო-ს ადამიანური რესურსების მენეჯმენტის ოფისი.
საქართველოში კონკურსში მონაწილეობის მსურველები უნდა აკმაყოფილებდნენ შემდეგ მინიმალურ მოთხოვნებს:
-დამთავრებული ჰქონდეთ საუნივერსიტეტო განათლების პირველი საფეხური;
- არ იყვნენ 32 წელზე უფროსი ასაკის 2011 წლის ბოლოსთვის;
- თავისუფლად ფლობდნენ ინგლისურ და/ან ფრანგულ ენებს;
- იყვნენ საქართველოს მოქალაქეები.
2011 წლის კონკურსში მონაწილეობის მიღების მსრუველებს განაცხადის გაკეთება შეუძლიათ გაერო-ს სისტემაში შემავალ შემდეგ თემატურ მიმართულებებზე დასასაქმებლად:
- მენეჯმენტი და ოპერაციების მხარდაჭერა;
- ეკონომიკური და სოციალური განვითარება;
- საჯარო ინფორმაცია და საგარეო ურთიერთობები;
- პოლიტიკური ურთიერთოებები, მშვიდობა და უსაფრთხოება.
კონკურსში მონაწილეობაზე განაცხადის გასაკეთებლად, კონკურსის წესებისა და სხვა დამატებითი ინფორმაციისათვის ეწვიეთ ბმულს: კონკურსში მონაწილეობაზე განაცხადის გაკეთების ბოლო ვადაა 2011 წლის 10 სექტემბერი.
