ფედერაცია "გადავარჩინოთ ბავშვები", საქართველოს ოფისი, აცხადებს ტენდერს "ბავშვზე ზრუნვის მომსახურების და სისტემების განვითარების" პროექტის ფარგლებში, დაფინანსებული გაეროს ბავშვთა ფონდისა და ამერიკის საერთაშორისო განვითარების სააგენტოს მიერ (UNICEF/USAID).
ტენდერი ცხადდება ადაპტური ავეჯის დამზადებაზე შეზღუდული შესაძლებლობების მქონე პირთათვის:
1. ადაპტური მაგიდა ჯგუფური მუშაობისათვის (4 ადამიანისათვის) - 24 ცალი.
2. ადაპტური სკამი - 96 ცალი.
ადაპტური ავეჯის აღწერილობა იხილეთ თანდართულ დანართში.
სატენდერო წინადადება უნდა შეიცავდეს შემდეგ ინფორმაციას:
- მომწოდებლის, კომპანიის მონაცემები: ქალაქი, მისამართი, ტელეფონი, ელექტრონული ფოსტა, საბანკო რეკვიზიტები;
- საგადასახადო უწყებაში რეგისტრაციის მოწმობის ასლი;
- ცნობა, რომ პირის ან კომპანიის მიმართ არ მიმდინარეობს გადახდისუუნარობის საქმის წარმოება;
- ინვენტარის ფასი - ერთეულის და ჯამური ღირებულება, ეროვნულ ვალუტაში, დღგ-ს გარეშე;
- მოწოდების ვადები;
- საგარანტიო პირობები.
კომერციული წინადადება ძალაში უნდა იყოს მიღების დღიდან ორი თვის განმავლობაში.
საქონელი მოწოდებისთვის მზად უნდა იყოს ხელშეკრულების გაფორმებიდან 15 (თხუთმეტი) სამუშაო დღის განმავლობაში. მოწოდება იწარმოებს ეტაპობრივად, ორგანიზაციის მიერ დათქმულ ვადებში. მომწოდებელი პასუხისმგებელია მოწოდებული საქონლის ხარისხზე.
გადახდის პირობები:
თანხის გადახდა მოხდება უნაღდო ანგარიშსწორებით, ორ ეტაპად: I. მთლიანი თანხის 30% ავანსის სახით; II. ბალანსი 70% გადახდილ იქნება საბოლოო ანგარიშფაქტურისა და მიღება-ჩაბარების აქტის საფუძველზე, დოკუმენტების გაფორმებიდან 10 სამუშაო დღის განმავლობაში.
ფედერაცია "გადავარჩინოთ ბავშვები" იტოვებს უფლებას მიიღოს ან უარყოს ნებისმიერი შემოთავაზება ან გააუქმოს ის, მთლიანად ან ნაწილობრივ, შეაჩეროს შერჩევის პროცესი და უარყოს ყველა შემოთავაზება.
ტენდერში მონაწილეობის მსურველებმა წარმოადგინეთ სატენდერო წინადადება დალუქული კონვერტით, მისამართზე: ქ. თბილისი, გოთუას ქუჩა 20, ფედერაცია "გადავარჩინოთ ბავშვები" ოფისში, არაუგვიანეს 2011 წლის 9 სექტემბრის 16:00 საათისა. საკონტაქტო პირი: ანი ჯოხაძე.
