მოლარე - ბათუმი

შპს "ამერიტექი" და მაღაზია "Aray Tomorrow" აცხადებს ვაკანსიას მოლარის პოზიციაზე ბათუმში.

პასუხისმგებლობა: თანხის შენახვა-დაცულობა; სალაროს შეუფერხებელი მუშაობა; თანხის მიღება-გაცემა უშეცდომოდ; რეალიზაციის სწორად ასახვა სპეციალურ პროგრამაში.

ფუნქცია-მოვალეობები:
-მომხმარებლისგან იღებს გაყიდული საქონლის საფასურს;
-თითოეულ რეალიზაციას ასახავს სპეციალურ პროგრამაში, სადაც მიუთითებს გაყიდული ნივთის მოდელს, საფასურს და რაოდენობას;
-ამოწმებს კონსულტანტის მიერ შევსებულ საგარანტიო ფურცელს და ინვოისს, თუ რამდენად სწორადაა შევსებული დოკუმენტი;
-ავსებს და აწარმოებს შემდეგი სახის ფინანსურ დოკუმენტაციას: ანგარიშ-ფაქტურებს, ინვოისებს, ზედნადებებს და ა.შ.
-დღის ბოლოს რეალიზაციის შესახებ ინფორმაციას რეპორტის სახით აწვდის ბუღალტერს სათაო ოფისში;
-დღის განმავლობაში პასუხობს მომხმარებლების ზარებს;
-შეძენილი ნივთის ადგილზე მიტანის შემთხვევაში, ცენტრალურ საწყობს აწვდის მომხმარებლის მისამართს, შეძენილი ნივთის მოდელს და რაოდენობას;
-საჭიროებიდან გამომდინარე, ითავსებს კონსულტანტის ფუნქცია-მოვალეობებს.

საკვალიფიკაციო მოთხოვნები:
-აუცილებელია ქართული, რუსული და ინგლისური ენების სრულყოფილად ფლობა;
-მინიმუმ 1 წლიანი სამუშაო გამოცდილება მოლარის, მოლარე-ოპერატორის ან მოლარე-კონსულტანტის პოზიციაზე.
-აუცილებელია უმაღლესი განათლება, საბანკო საქმე/ფინანსების განხრით ჩაითვლება პლუსად;
-სასურველია კანდიდატს გავლილი ჰქონდეს 3 თვიანი ბუღალტრული აღრიცხვის კურსი.

კომპიუტერული უნარები: ელ-ფოსტა, ინტერნეტი, საოფისე კომპიუტერული პროგრამების მომხმარებლის დონეზე ცოდნა; გასაკუთრებით, Excel-ის საშუალოზე მაღალ დონეზე ფლობა.

პიროვნული უნარები:
-დეტალებისადმი ყურადღებიანი;
-სხარტი და ზუსტი აზროვნება, მაღალი კონცენტრაციის უნარი სტრესულ გარემოში;
-უნარი შეასრულოს კომპლექსური დავალებები უშეცდომოდ, მოკლე დროში.

დაინტერესებულ კანდიდატებს გთხოვთ, გამოგზავნოთ თქვენი CV/რეზიუმე ფოტოსურათით მისამართზე: vacancy@araytomorrow.ge არა უგვიანეს 2012 წლის 1 თებერვლისა. გთხოვთ გზავნილს აუცილებლად დაურთოთ ფოტოსურათი, ასევე ელფოსტის "subject" ველში მიუთითოთ ვაკანსიის დასახელება. წინააღმდეგ შემთხვევაში, თქვენი კანდიდატურა არ განიხილება!

შერჩევა მიმდინარეობს კონკურსის წესით და მხოლოდ შესაფერის კანდიდატებთან მოხდება დაკავშირება.

გისურვებთ წარმატებებს!